不要對我尖叫，日常茶間， (中環大廈) (已結業)

今日繼續喺中環捐窿捐罅，由於天氣好熱，同事提議去外賣APP搵啲有折扣嘅台式飲品消暑，最後我哋就揀咗依間「不要對我尖叫」。門面好特別，所以我起初對依間台式飲品都充滿期望。我好鍾意飲水果茶，所以我今日就特別叫咗一杯香柚荔枝水果茶，不過我就覺得有少少失望。香柚荔枝水果茶 $26我平時周圍飲水果茶，我覺得依杯冇乜茶香，同埋我鍾意有水果肉嘅水果茶，可惜依杯冇，感覺同我平時飲嘅水果茶有好大嘅分別。雖然外賣APP折扣後$26，不過應該下次都會試返其他品牌。

《今次無中伏》其實不要尖叫我地唔係第一次飲，但之前係戲曲中心分店飲過都覺得麻麻地，但今次幸福地係中環店揀一款解渴好飲嘅～🍊 香柚荔枝水果茶 $28我地今次叫左微糖，入口第一下就有濃濃嘅西柚味配合荔枝味湧出黎，其後西柚微酸同荔枝嘅甜味令口腔分泌口水，極度解渴。溫馨提示，建議叫微糖，因為一向不要尖叫嘅飲品都偏甜，大家記住啦。

呢日經過中環見到呢間飲料舖個名咁搞笑，所以入去睇睇。見到個餐牌啲飲品亦都唔算貴，普通茶🍵唔使$20就有一杯。由於朋友揸車，所以急急腳買咗兩杯就走人，再加上好多人排隊買緊，冇影到舖個環境。佢有宣傳單張講緊而家喺City Super有期間限定店，所以唔使一定要去中環或者高鐵站先試到👍🏻。我要左🥭香柚荔枝水果茶($24)，個味道幾清新，荔枝味唔會太過重，因為好驚嗰啲好假嘅荔枝糖漿味😖，而且水果茶唔會太甜非常唔錯。冰唔多，但夠哂凍，唔會整淡杯茶。呢度冇得揀份量，不過大細都啱啱好👍🏻。最重要係呢度個膠杯好靚，好啱打卡。我朋友就要左洛神蜂蜜菊花🌻($22) ，同樣都係老茶裝配方，佢嗰杯我就冇試過味喇，不過我樣仲靚過我個杯哈哈🙈。總括嚟講，我以為打卡店會好貴，但竟然唔係，呢度大部份都只係廿幾蚊內有交易。而且呢度比較特別嘅係佢有氣泡飲品，下次再經過會試下。最後就係店員會好sweet🥰咁用筆寫上客人個名同埋飲品係乜，首字好靚哈哈見到都幾開心🥳。