INN - I’m Not Nothing (裕民坊YM²)

营业中

休息中

今日終於黎到呢間想食好耐既花花打卡餐廳啦🤩🌸🌿 I’m not nothing!!!一黎到門口已經見到好多花花 有得坐出面同埋入面 天氣熱都係坐入面舒服啲😆 入到去坐低店員就俾咗Menu我哋睇啦 set lunch有湯有嘢飲😌 🎃餐湯係南瓜湯呀 好濃郁嘅南瓜味 甜甜地唔錯 本身個set lunch係包嘢飲 轉特飲有半價優惠 🍋西柚檸檬梳打 +$23酸酸甜甜感覺好清新好開胃 🍓士多啤梨藍莓奶昔 +$24士多啤梨同藍莓好夾 奶昔打得好滑身 好味😋 All day breakfast $128呢個全日早餐真係好豐富呀🤩 有牛油果、牛仔腸(豬肉）、脆煙肉、忌康炒蛋、炒野菌、焗蕃茄、蒜蓉牛油多士 同埋沙律淨係睇個擺盆已經覺得好靚好吸引😋 特別想講吓佢個蒜蓉牛油多士真係好好食 烤得脆身 蒜蓉牛油整得好好 好香👍🏻同埋個蛋炒得好滑身 蕃茄都好新鮮👍🏻 香煎焗厚切豬肉眼配牛肝菌忌廉汁 $128好好食！一啲都唔韌 好易切開 肉汁豐富 加埋牛肝菌忌廉汁好好食😋 薯蓉都整得好香好滑👍🏻 整體來講 呢間I’m not nothing 環境舒適優雅 食物質素高 真係好適合喺度打卡食嘢 下次一定會再嚟 坐出邊打卡

呢間絕對係集打卡➕好食於一身既餐廳Lunchtime有set,選擇都有十款，總有款岩心水點左個厚切豬肉眼，以為呢款打卡餐廳份量比較精緻唔會好多，所以再加左份$15 pasta餐湯係南瓜湯，未至於濃稠但唔會稀聊聊主菜黎嚇一嚇，份量十足，豬肉眼有豬肉香有咬口（唔使怕有豬騷味、亦唔怕係落鬆肉粉淋致致既口感）配菜薯蓉軟滑偏奶香牛肝菌汁亦夠菌香味，稍量可再多少少追加既意粉（無影到添）另碟上，估唔到會落洋蔥炒，唔係水煮烚熟就上，我用南瓜湯撈黎食都好岩味😆除非好大食，否則真係唔使再追加野食啦除左野食好味外，店舖環境都好靚，分店鋪/平台兩邊，同樣擺左好多花草、裝飾品，岩曬靚靚打卡用加埋約10多張枱，空間感唔算好大，客量多，最好book定枱咁就唔怕要等啦環境得、食物得，咁既價錢絕對抵食

和同事中午過來食，事前預先book定位唔洗等位，時間就好充裕好方便。Cafe環境雅致宮廷風格，打卡一流。有室內和戶外座位，置身靚靚花園進餐係幾唔錯的，不過天氣炎熱等秋天再來先，都係揀室內冷氣地方舒服。午市時段有lunch set選擇，包餐湯和飲品，都有好多心水選擇。忌廉南瓜湯好濃郁的南瓜味，口感幼滑，加了蒜蓉包粒，味道好突出。香煎焗厚切豬肉眼配牛肝菌忌廉汁 $128肉眼扒厚身大塊份量唔少，肉質好嫩好有肉汁，表面煎得幾香而且唔油膩。配以牛肝菌汁增添甘香美味。加埋軟滑的薯蓉和翠玉瓜perfect。澳洲和牛烤大菇漢堡配沙律薯條 $118個包好大件，漢堡扒不算大都有牛味，原塊大啡菇好厚身多汁，夾住芝士、生菜、蕃茄、洋蔥配料，口感味道豐富。仲有輕炸唔油的薯條和健康美味沙律，都唔錯啦。飲品檸檬水和檸檬水味道正正常常。

同事請食飯，即係搵到呢間公司附近，環境好靚又好岩打既地方食個lunch!!❤️香煎焗厚切豬肉眼配牛肝菌忌廉汁 厚切豬扒外面微微焦脆，中間熟得黎仲好嫩，超高質!! 牛肝菌Source 又香又濃，配豬扒食perfect 池～個薯蓉仲超creamy 勁香！🧡澳洲和牛烤大菇漢堡配沙律薯條 超高既Burger!! 和牛仲好粉嫩，但食落又唔會太raw~ 熟度岩岩好，非常juicy!! 仲有份量十足，新鮮炸起既薯條又香又脆～💛磨菇湯 餐湯磨菇湯，有好多磨菇粒粒，好creamy 好好飲～💚士多啤梨藍莓奶昔 見到有3檯都嗌左呢杯奶昔，即刻跟住嗌黎試下～好新鮮既水果打出黎奶昔，加少少士多啤利醬甜甜地，又好飲又靚又岩打卡💙Ice Cuppccino 偏微微酸味既咖啡，又香又好飲