Try My Bread (營盤街)

营业中

休息中

小小的外賣店，專售爆餡吐司三文治和法包，款式種類算多，店內只有二人工作，忙個不停。法包價錢比吐司三文治平，但吐司望落餡料超豐富，亦比較吸引。*脆炸軟殼蟹滑蛋吐司*邊等外賣邊睇住廚房，原來軟殼蟹係即叫即炸，裡面有蟹肉有蟹膏，唔會得粉漿。滑蛋量多而且真係做到好香滑，唯一係size比較細份，兩塊方包比平日食開的細塊。淋上店家的醬汁，更加惹味。*香煎雞扒法包*法包相比之下比較平平無奇，好乾，法包內的醬汁唔多，肝醬做做惹味香辣，但可能始終量不多，整個包食起上黎好乾。雞似乎係雞胸位置，有啲柴，令本身乾的法包更乾。配菜多但雞唔多。雞肉好乾柴。

同朋友行完手作市集，有少少肚餓，但係又唔想食得太飽，行過見到餐牌好吸引呀！我地決定試下，叫左一個正宗越式法包，另一個係香煎雞扒法包。店員落單前都會細心提醒入面包含既配料，如果唔食莞茜就記得提早講。法包好足料，每啖都有雞肉，而且雞肉好嫩口，加上菜酸酸辣辣，好醒胃，最重要係個沙律汁？成件事好夾，好好味。買包有杯茶送架，所以唔怕食到乾爭爭，法包比較硬同碎，食到成枱都係，我係佢地舖面食埋先走，熱辣辣好新鮮。當然要清潔好先離開。