Burgeroom (美麗華廣場1期) (已結業)

大家好今日去左尖沙咀Burgeroom食漢堡包因為係星期一至午中午買漢堡包只要加$35就可以包埋薯條同飲品比餐牌點會抵D我就點左黑松露芝士大烤菇煙肉牛肉漢堡套餐首先個成個包都好大 要用刀叉先食到個包比較厚係有煎香過黑松露醬都幾多可以食到黑松露醬因為有黑松露醬 所以淨係食個烤菇同包己經好惹食甘煙肉都燒得幾脆牛肉應該係手打好Juicy好有牛味跟餐薯條都炸得好香脆仲有少少薯皮餐飲我就點了凍檸檬水有四塊檸檬甘多我另外仲叫左一個香脆鱈魚柳蛋漢堡隻蛋都好厚夾埋芝士好Creamy鱈魚柳都比較厚仲幾香脆總括呢野burgeroom漢堡包都好高質

Burgeroom創立於2007年，是一間主打美式漢堡的餐廳，設於銅鑼灣及尖沙咀，裝潢以工業風為主調，場內佈滿車轆、銀色酒罐、霓虹燈、噴畫和塗鴉等裝飾，充滿man爆金屬感，設計時尚奪目，非常有型。這裡的漢堡款式都好豐富，除了牛肉、雞肉、鱈魚和素漢堡，仲有平時很少見的鵝肝漢堡、軟殼蟹漢堡、吉列廣島蠔漢堡和帶子漢堡等。今次去到尖沙咀美麗華分店，點了牛油果醬芝士牛肉漢堡$100漢堡夾著車打芝士、牛肉、蕃茄、羅馬生菜、自家製醬汁，餡料分佈平均，每口都吃到麵包、醬汁、配料和漢堡扒。麵包佈滿芝麻粒，包身烘焙出外層輕脆的口感，內裡鬆軟有彈性。重量級餡料層層疊起後確實是一口無法掌握，漢堡扒口感扎實爽彈，牛味濃郁。綴以翠綠軟滑，極高營養價值的牛油果蓉，平衡肉食的膩感。香脆鱈魚柳蛋漢堡$100炸魚粉漿金黃鬆脆，裡面包著嫩滑雪白的魚柳，咬下去外脆內軟，充滿蛋香的厚厚煎蛋，配合生菜的鮮脆和清爽得來帶酸甜味的他他醬和千島醬，令人胃口大開。直薯條$35漢堡包配薯條可說是永恆經典配搭，厚切薯條連著薯皮炸得金黃酥脆，肉心軟綿細密。旋風薯條$35呈螺旋形的扭扭薯條，比一般薯條炸得更金黃香脆，而且薯仔味亦非常突出。

眾所周知，香港地食burger最出名係港島。呢日喺尖沙咀行街，突然想食burger，就去左呢間喺尖沙咀黎講burger算幾出名嘅burgeroom。雖然burgeroom好出名，但我未食過……因為次次想食burger都會一早計劃去港島食丫嘛！同朋友每人叫左一個burger，加個薯條同一杯野飲。↘ 特量芝士牛肉漢堡 $115牛肉好厚，而且好juicy。叫左特量芝士，芝士好多呀！食落因為有生菜蕃茄，所以都唔會膩。↘ 香脆鱈魚柳蛋漢堡 $100魚柳比較快餐店香脆，而且一啲都唔乾，仲好厚肉。↘芝士直薯條 $60好似溶岩咁既芝士，芝士控必嗌！↘蜜桃梳打 $38

呢排工作有d苦，未到lunch就已經同同事討論緊午餐一齊出去食咩好。今日行左出黎比較遠嘅Mira Place，大把野食慢慢揀。沿住mira旁嘅扶手電梯上到mira嘅1樓，再行條短短嘅樓梯上2樓，就俾burgeroom 2樓嘅霓虹燈吸引到，今日就食burger啦！去到門口見到餐牌，漢堡嘅選擇非常多，淨係牛肉漢堡已經有15種，連埋其他素肉、海鮮、雞鴨等等款式，多不勝數。午市食漢堡仲可以加30蚊轉套餐包薯條及飲品！Burgeroom裝飾都好有心思，有類似塗鴉嘅畫、輪胎、霓虹燈等，五花八門飲品方面餐廳有大大個飲品雪櫃，除左有酒精類飲品，仲有其他手調飲品同坊間比較少見嘅Snapple果汁同Bundaberg有氣汽水。==============================馬蘇里拉芝士條 (5pcs) $58芝士條啱啱炸起，外皮脆卜卜，咬開馬蘇里拉芝士輕易做到拉絲效果，真係想嗌多份先夠分  大烤菇芝士牛肉漢堡 (套餐) $140漢堡黎到有支竹籤吉住，因為真係好好好大年漢堡呀！配料有芝士、牛肉、蕃茄、生菜，最緊要係大啡菇，大啡菇厚肉多汁，配埋牛肉嘅啖啖肉汁，冇得彈！  香脆鱈魚柳蛋漢堡 (套餐)

懶得油尖旺區早放學，開心嘅下午茶時間，當然要放肆下自己，食美味豐富又多汁嘅漢堡包今次選擇嘅呢間非常充滿美國特色，門口一設計型格風為主，非常賞心悅目。內裏設計以酒吧為格調，一望落去充滿電影入邊美式餐廳嘅感覺。特量芝士牛肉漢堡：大家唔好以為牛肉同芝士就一定冇驚喜，呢個漢堡同你講經典嘅配搭都可以有創新。牛肉厚身結實多汁，配合多層芝士嘅厚度同埋鹹香，兩者配搭起上嚟充滿淡淡嘅肉汁鹹香味，新鮮得很。內裏附贈嘅番茄生菜等等非常新鮮，為呢個漢堡昇華不少。漢堡醬汁清爽有甜味，所有一齊配合，超級正呀！香脆鱈魚柳蛋漢堡：白肉同紅肉嘅感覺非常唔同，食落口非常鬆軟可口，即使係經油炸嘅魚柳食落口都唔會覺得 “鞋” ,反而覺得鬆軟滑口。番茄同生菜增加魚漢堡嘅鮮味，漢堡醬汁嘅鮮甜可口為呢個漢堡增加咗唔少嘅層次，食落口清新得來非常特別。鱈魚手指配他他醬：鱈魚手指質地結實，食落口充滿鮮味，將魚嘅新鮮爽口帶出。他他醬濃郁甜美，兩隻一齊配合之後，鮮甜嘅口感難以忘懷。蜜桃冰茶：內裏有一絲絲嘅果肉，飲落去以清爽為主，唔會太甜，反而有新鮮蜜桃嘅味道。菠蘿冰茶：菠蘿冰茶味道相對濃郁，口感同樣地以清新為主，所以飲落去會有啲涼快嘅感覺，

午餐時間同同事去了美麗華的burgeroom食burger，這裏的burger大份，一個份量足夠兩個女仔食，當然要加些小食啦。我的蜜糖芥末大烤菇煙肉牛肉漢堡，加了$30轉餐有粗薯及蜜桃冰茶，burger有成隻手掌的高度，麵包鬆軟，裏面有些生菜及番茄做配菜，啡菇及牛肉充滿肉汁，尤其是牛肉肉味濃郁，有成寸厚，肉質結實不鬆散。粗薯炸得很脆而且不會油淋淋，蜜桃冰茶甜度適中。細食的同事點了一個香脆鱈魚柳蛋漢堡，魚柳外層粉漿很薄且脆，魚肉嫩滑，有些酸瓜千島醬減輕油膩感。大家再要了一份香辣單骨雞翼配蜜糖芥末醬，雞翼包著炸得鬆脆粉漿，雖然是炸物但下面的吸油紙的油份不多。