甜記餃子 (已搬遷) 新店位置

聽聞甜記餃子成日都要排隊， 是日星期三夜晚七點幾嚟到都真係要排隊😂😂 小店環境比較擠迫，坐滿晒人。。。首先我哋叫咗份醉雞，最快上菜。 我覺得冇咩酒味，一般餃子有湯餃同煎餃， 我叫咗8隻湯餃，香芹芫茜豬肉餃雙拼椰菜冬菇雲耳豬肉餃， 餃子皮薄餡多好足料， 湯底要咗蕃茄薯仔魚湯， 都好清甜。 男朋友叫咗魚湯嘅洋蔥牛肉餃雙拼京蔥羊肉餃，都ok~ 我冇食就唔係評論。另外叫咗兩杯熱嘅洛神花茶， 只係8蚊一杯， 酸酸地幾好飲，不過其實要湯餃真係唔洗叫嘢飲， 因為個魚湯底好好飲。。。

星期五7pm前入座，竟然是位等人(好難得)食過咁多次，都係好鍾意不過都係剛剛發現雙併竟然唔洗加錢(出面好多都要)選擇多多，有十幾款餃子今次點了B香芹芫茜豬肉餃8隻茄湯長沙灣店價錢比旺角平(旺角8隻要$42)當然舖租唔同啦~~覺得長沙灣店嘅湯比旺角濃而且仲有蕃茄增送必配辣蝦米菜脯唔油、菜脯爽口、間唔中仲食到蝦米辣中帶甜配湯餃一流餃子大大隻，香芹芫茜味唔算濃但係平衡菜類好爽口夠香但又未至於口臭非常足料

又去揾好野食啦！今日嗌咗$38/8隻 香芹芫茜豬肉餃 x 京葱羊肉餃 雙併 連蕃茄薯仔魚湯。（單併雙併都唔需要加錢）首先餃子皮好薄，但唔會煮到淋哂，係剛剛好。而香芹芫茜豬肉餃係超好食！我覺得香芹同芫茜超級夾，互相令到2款食材嘅味道都好出！京葱羊肉餃嘅京葱就稍老，搞到有渣但羊肉味都好夠蘇湯底都食得出有蕃茄同一舊舊淋哂嘅薯仔，好好味啊！舖面唔大，有好多自修室位，有哂擋板面壁咁，食得好安心，一個人去食就唔洗等，否則就買外賣好啲啦