西貢越南真味

营业中

休息中

九龍城原來唔止有泰國菜，呢間越南嘢都唔錯！次次行九龍城兜幾個圈都唔知食咩好，朋友就話試下破格啲，喺九龍城食越南嘢，點知又無令我哋失望喎！呢間《西貢越南真味》，原來喺香港唔同地方都有分店，菜式多樣化，售價都唔貴👍想食越南嘢嘅話不妨試下呢間呀🤪火車頭牛肉鍋粉 ($88)朋友食越南嘢一定會叫火車頭河，呢到嘅火車頭河都好好味。湯底牛味濃郁，配上生牛肉片、牛腩、牛筋、牛柏葉、牛丸，全部都重牛味、口感好，唔錯👍香茅豬頸肉撈檬 ($54)追加 雞絲 (+$15)其實就咁豬頸肉撈檬都已經好夠，不過見有得追加，好吸引，就追加咗個雞絲。結果係無追加錯呀😍！！！望落已經夠豐富，最重要係有我鍾意嘅蔥油呀🤩，令到成碗麵好香！！豬頸肉好香，唔韌；雞絲唔算好幼，但就有咬口；加上碎西生菜、蘿蔔絲、青瓜絲，撈起🍜多重口感，多種味道，正！🤪小食拼盤 ($105)- 春卷、雞翼、粉包、墨魚餅樣樣小食都想食，結果就叫咗呢個小食拼盤喇。都算好豐富，有四樣小食，蘸甜酸醬食好惹味😋尤其是係個墨魚餅，好彈牙！！越南滴漏咖啡 ($28)食越南嘢唔少得嘅仲有越南咖啡。望住佢慢慢咁滴落嚟其實都幾治癒🥰咖啡香味濃郁，味道稍微苦澀回甘；預先加

4人行去到九龍城～通常都係食泰餐～經過依間越南粉～心思思想試吓鋪仔細細但都算幾舒服香茅豬扒湯粉～有：生洋蔥、炸洋蔥、香葉、蘿蔔、蔥花、芽菜～豬扒香口香茅豬頸肉撈檬配泰式酸甜醬～有：花生碎、蔥花、青瓜絲、胡蘿蔔絲、蘿蔔絲～撈埋一齊食幾嘢味雞中翼湯粉睇見都唔想食～得四隻雞中翼同一舊蘿蔔～賣相十分差50幾蚊好搵笨～可惜朋友仔鍾意食冇計順化湯檬睇落好豐富～有：扎肉、熟牛肉、豬手、香葉、炸洋蔥、生洋蔥、芽菜、蔥花～食落濃濃牛肉湯味再叫咗凍檸水、青檸梳打、熱越南滴漏咖啡