味滿

营业中

休息中

有時出街食飯都吾一定要大魚大肉 簡單一餐飯 感受下熟悉既味道 令辛勞既一天帶點小確幸都吾錯😊🍛 柱候牛筋腩飯 $78牛筋好腍又膠身牛腩入味 撈埋汁送飯有feel😜套餐包埋油菜＆野飲🍜 南乳豬手湯麵 $42麵質幾爽豬手大嚿 啖啖骨膠原 外皮煙韌👍🏻🐣 香茅雞翼 +$33套餐可以追加小食即叫即炸 新鮮熱辣😋🐷 香茅豬排 $40幾厚身 半肥瘦🥢 叉燒腸 +$31腸粉皮滑👏🏼💭餐廳乾淨企理 食物質素吾錯😙

今次係天后又搵到間平民餐廳， 餐廳明亮乾淨，全日套餐都係$78， 有飯有菜仲包飲品， 加配小食仲有優惠， 小食都好吸引🤩叫到成枱放滿都係2百幾蚊～♡柱候牛筋腩飯配蠔油芥蘭&豆漿牛筋腩好入味，蘿蔔清甜，芥蘭好鮮嫩翠綠，有菜有肉營養均衡。♡爽脆灼鯇魚皮 $52懷舊小菜唔係周圍都食到， 雖然貴， 但跟餐平$10， 魚皮爽脆唔會太辣， 花生香脆。♡香茅雞翼 $33推！炸得好香好入味，而且好多肉， 咬落juicy 唔會乾柴。♡酥炸鯪魚球 $42真係手打魚球，炸到皮酥脆，配蜆介醬，咸咸香香。♡脆脆炸兩 $37粥鋪除左粥， 仲有多款腸粉， 最鐘意食炸兩， 標配豉油、甜醬、花生醬，夜晚都仲有內脆外軟嘅炸兩食， 開心～

味滿，位於天后既粥粉麵店，店舖光鮮舒服，成間Cafe咁🍵主打粉麵、生滾粥、牛腩飯、湯飯等，配埋一啲特色小食，紫薑皮蛋、香茅豬扒、麻辣小食等🌟價錢合理潮式粉麵，就食鮮蝦雲吞湯麵，賣相好精緻，湯好香濃，相當好味，生麵幾有蛋味，口感好好🤤雲吞一口size但有成隻蝦係入面既，皮滑餡好味，相當高質既一磅雲吞麵👍🏻套餐有埋油菜，另有野飲，羅漢果茶，清涼解渴🍹加配小食，麻辣牛筋，份量好多，仲有蘿蔔配埋，佢既麻辣係好香而唔算太辣既，麻辣蘿蔔都幾好味😆試牛筋，好大舊，超腍超入味，充滿骨膠原既感覺，好味😋香茅雞翼，炸得好脆，非常惹味，好多肉汁，好味既小食✨看似普通粉麵店但從細節就會睇到佢既心機，食物味道一流😎性價比高，高質既現代粥粉麵小店❣️

🍽味滿 (天后)📍天后電氣道64號地舖1. 薑蔥豬雜撈麵 🐷（$58）豬雜嘅內容好豐富，有豬膶豬腸豬肚豬腰尺豬肉丸等等！豬什完全冇豬嘅腥味，配搭上薑蔥嘅淡淡香味，真係一絕。我叫咗個粗麵底，面底唔會太乾，佢仲另上一碗大地魚湯，鍾意食豬雜嘅朋友記得一定要試。2.淨菜肉雲吞🐷 （$38）雲吞皮好薄，一眼就可以見到裏面嘅餡好豐富，菜同肉都好新鮮，一啖就食得出佢哋新鮮整。雲吞包住好多湯喺裏面，湯底佢哋都係用佢哋每日新鮮熬製嘅大地魚湯底，十分推薦👍🏻3.鹹肉糭🐷($18)糯米既味道好香，包住厚厚一層嘅綠豆，豬肉佢哋用左半肥瘦既部分亦都用滷水醃過加埋鹹蛋黃，真係一碟天衣無縫嘅鹹肉糭。4.炸兩🍚($26)充滿廣東人特色嘅炸兩，腸粉皮好薄 油炸鬼亦都炸得香脆，配上麻醬同甜醬，真係不得不試！5.蝦籽菜心🦐（$22）佢啲配菜亦都好有心機，充滿水份嘅菜心配上大大羹嘅蝦子，淋上海鮮豉油，點可以唔點。6.香茅雞翼🐥（$30）雞翼真係外脆內軟，香茅嘅味道恰到好處，咬落去有少少油脂濺出黎，冇諗過連香茅雞翼佢哋都做得咁出色。7.薏米水（$8）薏米水嘅材料都好豐富，裏面有蜜棗薏米同埋薑，飲落去都幾暖胃，老闆娘仲話佢哋每日