越瀧棧

营业中

休息中

向來喜歡吃越泰嘢,雖然唔食得辣,但鍾意佢哋有少少辣好惹味🔥今日去咗聯和墟,呢間越泰餐廳好多人,難怪,價錢ok味道更ok👌香茅雞翼好香🐔,而且唔會得雞皮有味,雞肉都有醃過嘅香味~最重要層皮夠脆,雞翼又夠大隻😋我真係好鍾意越式春卷,佢塊網皮一絲絲咁好好食~裏面除咗有啲肉,仲有芋頭之類~如果可以跟埋生菜薄荷葉嚟包就更加好🥬~呢度嘅份量都係偏大,呢個泰式肉鬆咖喱菠蘿雞粒炒飯上檯時成座山咁🏔!面頭好多肉鬆,完全無同你慳👍!炒飯好香咖喱味,但又唔會覺得辣~而且雞肉粒菠蘿粒都多,啖啖飯都有材料~佢嘅泰式椒鹽金不換豬扒香口得嚟有少少辣🌶,而且豬扒勁大塊🐷,好抵食!如果鍾意食香口嘢同泰國菜嘅,呢間真係唔錯,難怪當日間餐廳咁滿~

忽然好想食越南嘢, OpenRice見到粉嶺有呢間,咁近就去試吓啦Lunch時間去到都多人食，不過座位闊落都唔會好迫香茅豬頸肉湯河$54湯底好清甜，有陣陣嘅蘿蔔香味，而且豬頸肉分量都唔少，肉質彈牙，又入味👍🏻泰式彩虹湯粉$55呢個有好多配料，有魚片、魷魚、魚蛋、炸雲吞，河粉好滑，分量仲好多添👍🏻香茅雞翼$28雞翼醃得好入味，香茅味濃，大大隻，外皮香脆，雞肉唔會乾爭爭，依然保持到肉汁珍多冰$10（跟餐）必點之一足料，椰子味香濃，而家唔會太甜，啱我😚薄荷葉青檸梳打$10（跟餐）薄荷葉整碎好出味，青檸嘅酸到啱啱好，飲落好清新～解油膩🍃整體黎講都幾滿意，下次可以再食～

今晚終於試到呢間越南菜。點左鹹金桔梳打。味道好淡，梳打吾夠，好似飲緊冰水。黃咖喱牛腩配蒜蓉法包，雖然鹹左小小,如果配飯會好啲。味道吾錯。生牛河，湯底夠味，牛肉好食，河粉就「削」啲。仲有個香茅雞翼，即炸好食。坐位較小，但空間尚算闊落，坐得都舒適。出餐快。今次二個人食,款式試得小，下次試埋其他。見到隔鄰枱點嘅食物都好想試。