天天海南雞飯 (Fashion Walk)

营业中

休息中

今日同女友逛完銅鑼灣，在附近食埋晚飯，剛巧又係想食海南雞飯，記得附近有間‘天天’，就去食下一行入鋪見到有吧枱，有少少以為去錯地方原來佢係餐廳+酒吧混合體香茜蟶王 - 將蟶子王完全拆肉，配合大量芫茜食用，啖啖肉且充滿芫茜的香氣海膽豆腐 - 香滑豆腐配上海膽的香氣，令我哋流晒口水，鍋仔有火點著上菜，暖住食，正天天海南雞（半隻）- 招牌海南雞飯當然要試啦！標榜用同新加坡分店用一樣嘅雞種，皮薄肉滑，肉質有彈性，不肥不腥，雞味重，配上醬料（濃稠黑醬油、自製辣椒醬、薑蓉醬）味道更佳，層次更多天天石鍋雞油飯 - 雞滑飯香，飯粒中仲滲出淡淡薑香芒果奶昔-幼滑，無喳，很香奶味牛果奶昔-我生平第一次見牛油果做嘅奶昔所以好有衝動想叫，味道的確唔錯，唔係好甜，淡淡地，但好重牛油果味，仲好creamy

見過江龍既天天海南雞係香港可以開到第三間分店，相信佢都有過人之處，雖則定價比新加坡高，但呢晚都忍唔住走左去一試🙈入到去裝修以藍黑為主，擺盤頗為精緻，同新加坡既熟食中心相比之下，呢度既感覺有格調得多😂▪️ 天天燒雞（7/10）💲168 (半隻)本身想試最原始既白切雞，可惜已經賣曬，好彩既係仲有燒雞🐥後尾隔離檯入黎店員就話無曬雞，原來比我地要左全場最後一碟雞😳雞皮都香香地，雞肉唔係脾位所以肉質無我之前係新加坡主店食既天天白切雞脾咁嫩滑，不過都唔會嚡口係可以接受既😉三種調味料分別係鹽、黑醬油、辣椒蓉會比新加坡既酸少少，醬汁依舊係靈魂所在🌶️▪️ 天天石鍋雞油飯（7.5/10）💲48 (1-2人份量)油飯反而比新加坡主店既出色，採用石鍋將啲飯保溫呢點係香港先有既，而且雞油香有更為香濃，質感保持到粒粒分明唔會太濕或油🐥▪️ 海膽豆腐（7.5/10）💲148見呢個係大熱之選，面頭有一舊滑溜既海膽，下面海膽汁浸住啲豆腐，預左熱食海膽唔會係日本生食嗰種鮮甜，而豆腐既外皮有微微煎過裡面好嫩滑，大愛豆腐個口感，兩者夾埋一齊係偏清淡幾啱我口味😍呢個都係有個火烘住，豆腐一直係暖笠笠，食到尾剩返既汁依然保持流質唔會杰埋

今晚約左朋友去銅鑼灣這間早於2018年開業的新加坡人氣店，可能因為時間尚早（6點左右），平時聽人講要排隊，我同朋友入到去都唔係好多人。座位坐得都舒服的，而揭開餐牌發現食物種類比想像中多，除左最傳統的海南雞飯外，我同朋友仲叫左魚子雙熏同香茜蟶王。魚子雙熏其實係將三文魚同黑魚籽放係熏蛋上面一齊食，食落既有三文魚豐富的魚油、黑魚籽的口感、煙燻蛋的蛋香，食落滑得來不油膩。而香茜蟶王則味道較清淡，蟶子爽口彈牙，麻油香唔會完全掩蓋蟶子的鮮味，估唔到這個配搭都唔錯。至於海南雞飯的飯粒雞油味唔算好重，而海南雞基本上係去左骨的，皮薄肉滑，不過略嫌肉汁唔夠豐富。三款海南雞醬都好濃味，我個人最喜歡䜴油醬，點左後可以掩蓋到雞味唔夠濃。

成日話要食香港既「天天海南雞」，因為好耐之前係新加坡食完真係念念不忘，今日親臨香港分店，估唔到原來除左「天天海南雞」，老闆仲帶左幾個新加坡米芝蓮牌子，入面有好幾間米芝蓮餐廳既菜式添。環境係香港開左咁耐，成日嚟銅鑼灣，但真係第一次行過嚟「天天海南雞」呢個舖位，估唔到原來係咁fancy，最岀有個bar枱位，入面先係餐廳座位，整間以藍色燈配黑色做主調，好時尚同好有bar既氣氛，同新加坡總店位置熟食中心，毫不講裝修既格局截然不同，餐牌上亦有好多玩fusion、創新既菜式。香茜蟶王 $128唔係個個都鍾意食芫荽，不過我個人就好喜歡佢既香氣，見有味前菜用佢黎配蟶子想試下。用上氮氣挫住，仙氣飄飄咁上枱，芫荽份量多，果種香氣味好清新唔會覺係腥，蟶子幼身好彈牙，兩者好夾，開胃既前菜。海膽豆腐 $148另外仲試左個特別少少既配搭，海膽豆腐 ，驟眼望顏色有少少似喇沙咁，豆腐兩面應該有煎香過，海膽亦係熟既狀態，熟海膽經加熱過後冇左膩既感覺，味道亦會淡左，不過兩者各有各味道，豆腐唔太滲有海膽味。天天海南雞(例) $148估唔到例牌份量都咁多，用返同新加坡總店既同一款雞，自家農場培育，底部有好多汁，好耐好耐以前係