影片
更多
2019-08-24
1458 浏览
成日话要食香港既「天天海南鸡」，因为好耐之前系新加坡食完真系念念不忘，今日亲临香港分店，估唔到原来除左「天天海南鸡」，老板仲带左几个新加坡米芝莲牌子，入面有好几间米芝莲餐厅既菜式添。环境系香港开左咁耐，成日嚟铜锣湾，但真系第一次行过嚟「天天海南鸡」呢个舖位，估唔到原来系咁fancy，最岀有个bar枱位，入面先系餐厅座位，整间以蓝色灯配黑色做主调，好时尚同好有bar既气氛，同新加坡总店位置熟食中心，毫不讲装修既格局截然不同，餐牌上亦有好多玩fusion、创新既菜式。香茜蛏王 $128唔系个个都钟意食芫荽，不过我个人就好喜欢佢既香气，见有味前菜用佢黎配蛏子想试下。用上氮气挫住，仙气飘飘咁上枱，芫荽份量多，果种香气味好清新唔会觉系腥，蛏子幼身好弹牙，两者好夹，开胃既前菜。海胆豆腐 $148另外仲试左个特别少少既配搭，海胆豆腐 ，骤眼望颜色有少少似喇沙咁，豆腐两面应该有煎香过，海胆亦系熟既状态，熟海胆经加热过后冇左腻既感觉，味道亦会淡左，不过两者各有各味道，豆腐唔太渗有海胆味。天天海南鸡(例) $148估唔到例牌份量都咁多，用返同新加坡总店既同一款鸡，自家农场培育，底部有好多汁，好耐好耐以前系
环境
系香港开左咁耐，成日嚟铜锣湾，但真系第一次行过嚟「天天海南鸡」呢个舖位，估唔到原来系咁fancy，最岀有个bar枱位，入面先系餐厅座位，整间以蓝色灯配黑色做主调，好时尚同好有bar既气氛，同新加坡总店位置熟食中心，毫不讲装修既格局截然不同，餐牌上亦有好多玩fusion、创新既菜式。
香茜蛏王 $128
香茜蛏王
$128
26 浏览
0 赞好
0 留言
唔系个个都钟意食芫荽，不过我个人就好喜欢佢既香气，见有味前菜用佢黎配蛏子想试下。用上氮气挫住，仙气飘飘咁上枱，芫荽份量多，果种香气味好清新唔会觉系腥，蛏子幼身好弹牙，两者好夹，开胃既前菜。
海胆豆腐 $148
另外仲试左个特别少少既配搭，海胆豆腐 ，骤眼望颜色有少少似喇沙咁，豆腐两面应该有煎香过，海胆亦系熟既状态，熟海胆经加热过后冇左腻既感觉，味道亦会淡左，不过两者各有各味道，豆腐唔太渗有海胆味。
天天海南鸡(例) $148
天天海南鸡(例)
$148
12 浏览
0 赞好
0 留言
估唔到例牌份量都咁多，用返同新加坡总店既同一款鸡，自家农场培育，底部有好多汁，好耐好耐以前系新加坡食过一次，记得果时一个旅程翻chur左3次，所以一直好食睇下香港分店既味道。皮薄，肉质嫩滑，本身已经淋上带蚝油、酱油味既酱汁，配饭一流，唔额外沾酱汁都够味，如果钟意辣就可以再沾啲泰式酸辣汁更惹味。
天天石窝鸡饭(1-2人份) $48
食海南鸡当然要有鸡油饭，唔系点叫海南鸡饭！不过呢到就要额外嗌饭，好处系如果想斋试佢啲鸡留肚食其他可以唔嗌饭，但我个人认为海南鸡既精髓除左只鸡之外，就系鸡油饭再捞上蒽油，真系绝配！用石窝上，$48份量有3-4碗饭，我觉得都可接受，每粒都捞上鸡油，鸡油油腻度较低唔觉肥腻，但鸡油香就略薄。
Not A Virgin $88
主要用Rum、菠萝汁、热情果、接骨木花糖浆制成。饮落酸酸甜甜，以菠萝味为主，酒精味唔算强烈。
Not The 50’s $68
用上热情果、青柠味糖水配以咖啡整成嘅Mocktail。先带微微嘅酸味，其后系黑咖啡本身有嘅酸味及甘香，饮惯斋啡嘅朋友会接受到，但如果你冇饮开斋啡就未必啱你饮。
总括而言，配合返香港人需要，加入左酒吧同其他餐厅既食物，变得有香港特色，至于味道保留左新加坡总店既传统口味，当地化得几好既过江龙店。
附：部份餐牌参考
张贴
