七月餐室 (已結業)

收工同朋友喺觀塘食晚飯，近近哋揀咗呢間餐廳醫肚，環境都幾闊落👍🏻叫咗2個小菜，每個小菜都會包一碗白飯、老火湯，加配飲品就半價一坐低staff就遞上一碗老火湯，幾好飲，飲完冇口乾，應該冇落味精👍🏻沙嗲粉絲肥牛煲($68)煲仔菜形式上枱，熱辣辣咁，味道正常水準，粉絲好入味👍🏻，配料有洋蔥、燈籠椒、菇類、新鮮菠蘿等等香辣椒鹽肉排($68)係炸過嘅肉排，肉塊有8大塊，份量足夠～食落入味，同埋椒鹽豬扒有陣川菜風味，原來係有花椒乾辣椒調味😋😋同出面街食嘅椒鹽豬扒唔同，不錯👍🏻另外想講啲白飯都幾好食😂，硬度適中，唔會過淋過硬，有飯香，我哋幾鐘意😬😬差唔多清晒～

呢排都唔係好得閒所以連好西都食少左😵‍💫今晚都係去開九龍灣先有得食—————————————————————番公司擺低啲嘢上網搵到間餐室喺附近行到去見環境都唔錯又可以坐得舒服最搞笑係咁都撞到熟人🤣可以一齊食試多啲雖然款式唔算特別多但樣樣都好啱中島心水搞到都唔知食咩好一於揀左最想食嘅先再決定嗌幾多🤤先嚟個蝦醬蒸豬頸肉咸香蝦醬配嫩滑爽口豬頸肉肉汁精華喺晒碟底用嚟撈飯「正」再嚟個馬拉盞小炒 香口鮮味韭菜花爽脆 鮮魷彈牙大大件 性價比高之後仲有個香辣椒鹽肉排帶骨肉排鬆脆嫩口加上香辣佐料又係一碟欲罷不能最後嚟多個海鮮煲砂鍋入面有大蝦 鮮魷 斑腩同大大隻嘅青口青口本身中島唔太好但呢個好好味完全食唔到雪味又唔霉😍以豆腐做底就可以吸收曬啲鮮味👍🏻睇落唔大碟但食落都好飽就證明足料—————————————————————➜ 蝦醬蒸豬頸肉 $72➜ 香辣椒鹽肉排 $68➜ 馬拉盞炒鮮魷韭菜花 $70➜ 七月海鮮煲 $78