倫敦大酒樓

营业中

休息中

疫情之下都好耐冇同一班朋友出嚟同枱食飯，平時都要分枱坐。朋友搵到間有D區嘅酒樓，唱歌嘅唱歌，打牌嘅打牌，大家食得開心，飲得放心，過咗一個開心嘅晚上。上湯焗加拿大龍蝦三隻（伊麵）龍蝦新鮮啖啖肉加埋掛滿上湯嘅伊麵，個個都爭住食。鴻運乳豬全體乳豬皮夠脆，咬落仲有卡滋卡滋聲，肥瘦均勻都幾好。香酥百花球蝦肉夠晒彈牙，幾唔錯。香酥荔芋卷都好耐冇食呢個餸喇，外皮酥脆香口，芋泥綿密。紅燒花膠雞絲翅呢個又係好正，魚翅同雞絲都幾多。蟲草花菇絲扒時蔬蟲草花份量都幾多，菜心清甜，加埋切成絲狀嘅花菇一齊食，簡單嘅菜都變成不簡單。清蒸游水沙巴龍躉條魚蒸得好滑，蒸一條份量十足又好食嘅魚真係唔簡單，火喉控制得好都係大師傅嘅功力，超讚。倫敦脆皮燒雞燒雞皮脆肉滑，本來都已經好飽，都忍唔住食咗兩件。生炒糯米飯腊味糯米飯炒得好香，又唔會太黏口又太乾，好食。長春伊麵味道唔錯，伊麵彈牙，明明已經好飽，都試咗幾啖，唔錯。

友人大壽聚餐 訂間房打牌飲酒吹吓水酒樓唔係豪華 舊酒樓推車點心 地方夠大 侍應招呼都唔錯 可能主人家打賞咗先全包宴 4千幾 免加一 汽水啤酒紅酒1支紅酒好一般 易入喉 酒精味 個人唔 buy宴會菜 有水準 > 乳豬半只 加碼半只 脆皮好味 但賣相差 皮唔同色 乳豬四方型 冇pat 冇手臂 ……3隻龍虾上湯伊麵 夠豪大碟 伊麵入味龍蝦有鉗有頭有尾 但唔見龍身肉嘅!?香酥百花球 味同炸蚧鉗 都係虾膠虾鮮 夠熱脆 唔油膩 18粒分量多蟹肉鴛鴦蔬 ~ 蟹肉扒豆苗 & 紹菜味道好嘅 就咁蟹肉扒豆苗仲好紹菜長身難夾 味道又唔夾豆苗(可能豆苗貴 就貨價)整體好味道 冷氣夠 枱面擺設靚睇相 ……

今年會慶,工會又選咗去倫敦大酒樓個度搞,大大話話,自己都參與4,5次了.我就請咗下午假,三點鐘到酒樓,幫手佢地pack d紀念品,幾個人係酒樓好似工廠式咁,將d紀念品入環保袋,然後每六個袋捆埋一扎,送去每一張枱度,全個個程都幾好架,有份參與.大約七點,有個H1N1既講座,我既工作就開始啦,負責影下相,又幫手將D問題紙派比現場既人,又提水講答案比佢地聽,之後又收番D答題紙,同D賓客溝通下又幾好玩.到節目開始,我既攝影工作緊加要企定定,好咗還有2個男子幫手影下相,靠我一人唔掂架,因為我又驚相機唔夠電,係咁影,但佢又OK喎,錫晒部機,聽教聽話.中途上菜時間,我又走去影下D菜式,當然又要醫下我個肚啦,佢地第一味菜上既係乳豬全體,嘩...高成本喎,往年我記得只係乳豬拼盤,今年有乳豬全體,真係唔錯,而且隻豬夠脆,唔錯呀.食完第一味,又出去幫手影相,平均每次食幾啖,就要跑出去影,我呢份差事唔易做架.其它既熱葷OK架,份量又足,好夠飽,而且又幾好味,唔錯.係D魚翅同一般酒家一樣貨式都係想搵條真魚翅都幾難.生財花菰玉掌,我只吃了花菰同菜,花菰夠入味,仲好好味添,玉掌冇食,皆因我唔食鵝條大清班唔知係咪蒸得