小時光 (已結業)

🇭🇰 🍽最近都想幫襯下 - 香港人「米豬連」小店！呢間位於觀塘 嘅 ［小時光］門口都有貼住張貼紙傢。去到美興工業大廈地下，上樓梯，見到m&n’s 呀紅，同一道藍色門，以為正門係後面，點知原來一拉開藍色大門，就係間舖頭😂--原本係好靜，一拉開門先聽到有好多人聲。入面裝修好懷舊，好有電影🎬「那些年」嘅感覺，木枱、舊漫畫、萬能俠🤖等等。-餐廳採用自助式手法，先比錢點餐，再等，然後自己去水吧枱取餐，完全係做緊飯堂嘅feel。今次叫咗香酥雞便當🍱$58（配台式奶茶）［凍飲要+$2］前菜有少量白菜、醃青瓜。主菜當然係香酥雞。塊雞扒都都幾大塊，切開成5大件，新鮮即炸，有肉汁，上面有d辣粉，配飯食會覺得有嗆😂（如果再食，我會叫香酥雞麵餐，一樣都係$58）。而台式奶茶就無咩特別，無話特別偏向重奶味/茶味。若要問佢同茶木有咩分別，我諗係塊雞扒多咗陣辣味，每件雞扒都相對切得闊少少-如果想懷舊你嘅那些年，小時光嘅環境氣氛係唔錯嘅-佢地嘅餐全部都包嘢飲🥤-📍觀塘美興工業大廈A座1樓

因為工作關係，要到觀塘上TRAINING，放工之後同同事去左附近搵好野食，「小時光」呢間野一早就已經有聽過，今次難得咁順路一於去試下。我地去到大概係六點左右，人唔係好多，基本上唔使點等就可以入得去。呢間餐廳用學校黎做主題，有好多好趣緻既擺設，同朋友係度影左好多相「打打卡」。香酥雞便當($58)食台灣野，我自己好鍾意食香酥雞，呢個香酥雞炸得脆卜卜，唔會太厚粉，雞肉嫩滑，唔錯唔錯。鳳梨梳打($35)鳳梨梳打味道都唔差，不過份量較少。最得意係呢度既筷子另一端係顏色筆筆頭，好配合到呢度既校園主題。自己覺得呢度既環境真係好靚好適合打卡，好岩同朋友GATHERING。雖然好多餐廳都會淨係食裝修，但呢度既食物會有一定水準，價錢又合理唔貴，值得一讚！

係觀塘區返工放工去附近搵食店內以懷舊學生時代為主餐枱係學生桌餐具係文具樣式間CAFE 的設計幾有特色仲可以一路食一路睇漫畫呢到無SET, 全部散叫, 但價錢都幾合理首先係炸雞便當即炸 外脆內軟 同係台灣夜市食的鹽酥雞一樣咁正但配飯無醬配乾左少少魯肉便當好抵食有幾款魯味 $55 咁多樣餸仲配埋魯肉飯喇沙都唔錯不過當然唔會係海鮮湯個湯應該係味精湯 但都好濃好夠味 但我個人覺得辣D會更好海南雞飯個飯係油飯 本身都有小小味但個雞唔太滑水平一般至於飲品真係唔掂抺茶紅豆無咩抺茶味得個甜字總括黎講呢個價錢有的咁質素都算滿意