風雲丸

营业中

休息中

咁耐冇去過日本，成日好想食日本嘢解一解思鄉之情，今日就去咗尖沙咀K11對面嘅風雲丸食沾麵。朋友叫咗個豚骨魚介味玉沾麵，先試咗一啖湯，有好重嘅魚介海鮮味，同時有好濃厚嘅豬骨香。配料嘅叉燒肥瘦適中，唔會太多肥膏，仲有一隻溏心蛋，蛋黃有少少半熟，味道帶甜，蛋白就有豉油嘅味道。 我就試咗佢哋嘅期間限定天使赤海老櫻花蝦沾麵，湯底比朋友嗰碗更重海鮮味，而且有好多櫻花蝦乾，撈沾麵食嘅時候食極都仲有。配料有更多櫻花蝦乾之餘，仲有好一大隻蝦同蔬菜，麵條呈粉紅色，好少女心～餐廳可以畀客人選擇溫麵或者冷麵，我同朋友都揀咗溫麵，麵身偏軟熟。如果覺得湯底味道太濃，仲可以加少少檸檬汁中和返口感。我哋叫咗辛口唐揚炸雞做小食，辛味粉非常足料，食落好夠辣，啱啲鍾意食辣嘢嘅人，炸雞雞肉juicy，皮脆得嚟唔會太油。香鬆飯有好多紫菜同調味粉，就咁撈飯食都好好食。但係食完沾麵之後再撈埋淨低嘅湯底，味道非常之濃烈，白飯均勻咁吸收咗湯汁，別有一番風味。如果已經夠飽唔想食飯，可以要求加啲魚介清湯落淨低嘅湯底直接飲用。

話說今晚約咗同事仔去尖沙咀買嘢，買完之後又凍凍地，行過去K11見到依間風云丸，以前係尖沙咀返工見到Lunch好多人食，難得見到冇人排隊，所以即刻入去試吓😋入到去靚女侍應馬上帶位浸水俾我地，笑容幾好🥰望望個餐牌，我就要個招牌沾麵200g，同事仔又話飽、又話生飛滋，伊伊哦哦...最後佢點咗豚骨魚介沾麵300g加一碗飯🍚😂😂依個就係特別嘅地方，200g 300g 400g 三個份量都係免費，當然你大食可以揀400g 如果再大聲啲就揀800g都係加$45，我哋就揀咗一份200g一份300g share變咗每人250g😆我哋兩個要嘅嘢其實一樣，我依份係多咗隻蛋，但係唔好睇小依隻糖心蛋，因為之後佢佔左好重要嘅一部份🤩同事仔就少咗我一隻糖心蛋，但係多咗碗飯，依碗飯亦都係好重要😆份量十足😍沾面特別嘅地方就係食每一啖都要浸一浸個湯先，熱辣辣非常溫暖，又唔會太鹹，夾得啱啱好，其實個麵口感似烏冬，非常彈牙😁食完麵之後，呢個飯係重點🍚將啲湯撈埋啲飯再加埋糖心蛋一齊食，真係冇得頂，而家諗返都流口水🤤塊肉又厚又多汁又鬆軟👍🏻👍🏻

呢日又要自己一個人食lunch，無啦啦想食沾麵，就嚟到K11附近，因為知道好多拉麵舖。喺個轉角位見到呢間風雲丸，就諗起好耐之前同個朋友去過佢嘅灣仔店食，都OK唔錯，就入去試多次喇～嗰陣好似係啱啱開舖，但都已經好多客人～石燒濃厚豚骨魚介味玉沾麵（$93）呢個係成個menu第一個item，又見除咗佢之外其他沾麵都係冇跟味玉嘅，所以就揀咗呢個。麵嘅分量可選：並盛 200g／大盛 300g／特盛 400g／富士山盛 800g (+$45)因為想最後加飯食雜炊，所以我揀咗最細嘅並盛。麵條揀咗冷麵，更加有咬口👍🏽 掛湯程度相當好😆湯底用熱石鍋呈上，非常熱，嚟到嘅時候仲滾緊！用石鍋嘅好處就係可以令湯底由頭到尾keep住熱👍🏽 湯底以豬骨熬咗十個鐘，再加入魚介粉。豬骨味非常濃厚，魚介粉令味道更豐富。味道濃得嚟又唔會過鹹，十分好！仲可以加入檸檬汁，更開胃！叉燒好厚好大舊。餐廳用上等豚肉慢煮超過十小時，再以明火炙燒增添脂香。好淋、好入味！味玉流心效果整得好不錯！香鬆飯（$20）最後仲叫咗個香鬆飯，加入餘下嘅湯汁度，整成雜炊。第一次咁食，好滋味，正！羽根餃子（$35）羽根薄薄嘅一層，非常脆口😛信州白桃蘇打（