喇沙大少 (已結業)

好多特色菜，值得一試！可能商場位置關係，人不太多，星期日去，不用等位！員工有禮貌，值得一讚！ 馬拉盞炒椰菜苖，有鑊氣！ 這個值得一讚，有誠意，有特色！外脆內軟，有杏仁香，有蝦既鮮！三樣菜，兩杯野飲！三百蚊左右，比正常偏貴少少，但服務質素配合，都可以接受！而環境地方有少少逼！ 整體感覺良好！

上星期五晚約了朋友去Megabox 逛宜家傢俬, 在逛街前我們在Megabox找了這一家在11樓專做東南亞美食的喇沙大少, 它的位置就在11樓的升降機口。這間餐廳的環境十分不錯，清潔乾淨，燈光光猛，座位與座位之間的距離適中，坐得舒服。服務方面，出餐速度十分之快。我們一行二人點了馬來杏仁蝦餅，雞絲喇沙，秘製肉骨茶，招牌無骨海南雞飯。馬來杏仁蝦餅外脆內滑杏仁同蝦味十分之配合, 味道唔會太鹹亦唔太甜，十分適中，但我覺得要沾點泰式辣椒醬才是最好食!秘製肉骨茶這道菜用料十分豐富，有豬肉骨，豆腐卜,杞子,冬菇.我覺得這道菜做得清甜不太鹹也不太濃味適合習慣飲廣東湯口味的人!雞絲喇沙喇沙湯底做得不錯，不會太鹹亦不會太辣，椰奶味十分濃郁，幼细的雞絲十分特别，它細得來又不會散開，肉質還不錯呢！還有這裏的雞絲喇沙有兩隻大蝦！大蝦的分量十足，肉質彈牙鮮甜。招牌無骨海南雞飯這一道菜，最明顯要讚的,是它的賣相-紅黃綠的顏色十分先明給引食欲。 內容也很不錯，除了主菜的雞和飯還有清湯和菜心。它的飯做得很好，有濃郁的雞油香味！雞肉方面肉質十分之滑口感煙韌，這道菜不太鹹，鮮甜為其賣點！

睇戲前先要搵食,突然被陣陣香辣味吸引,完來係喇沙大少傳出來嘅,於是走左入去.之前食過同區某店"x室"又細又唔好食.真係有小小驚.叫左兩個下午茶餐:秘製肉骨荼配白飯,馬來海鮮叻沙,涷拉茶,馬來杏仁蝦餅,大少雞翼秘製肉骨荼配白飯$48:好大份,一個人食都可以食唔曬,好在我夠食力.肉骨荼夠熱又夠味,如果可以再重味小小就真係prefect啦!排骨有4大件好淋又夠入味,豆腐乾都有4件,冬菇2粒,用料足不在話下.最後本人連湯都飲清,實在好好味!馬來海鮮叻沙$54:有大蝦2隻,蜆肉4-5粒,蟹柳2條,魚蛋3粒,豆卜4件,雞蛋半隻.湯底濃香辣味足,叻沙係摻摻,麵質彈牙唔厚粉,米粉份量剛剛好,大蝦真係好大隻,新鮮彈牙好好味,蜆肉鮮香好味,蟹柳ok,魚蛋彈牙夠味唔會腥,豆卜吸左個湯好好味.超正!馬來杏仁蝦餅$12:蝦餅味可以,可惜唔夠彈牙,粉重左小小.大少雞翼$15:值得一試,香脆入味,雞肉夠滑,一人得一隻好似唔夠侯.涷拉茶:大大杯,好夠味,香滑茶味一流.最後重要送甜品,豆腐蛋糕:雖然細細件,但香滑軟熟唔太甜,睇到做餅師傅嘅用心.真係一流,下次一定會再去.