少爺18 (已結業)

好耐之前食過一次，覺得都幾好味 所以再去食多次個海南雞都幾滑 差唔多每一台都叫但問題就係出現喺個湯身上 真係咸到飲唔落個喇沙好香椰香味 又辣辣地 蝦好新鮮彈牙馬拉盞炒通菜 好惹味 但又係偏咸個炒蘿蔔糕又係一樣勁重口味 得個咸字 想要啲辣椒醬 (睇落去似sambal sauce) 點綴下 個辣椒醬完全唔辣好失望成間餐廳整體來講一個字 咸

大年初三晚飯去左食少爺18因為想食海南雞飯 3人行叫左半隻海南雞加2個油飯 $20/1碗海南雞做得不錯 雞肉幾滑 入味就算雞胸都唔會好鞋口個油飯比較乾身 有雞油味 但唔夠香飯粒唔夠油潤 食落無咁順口 比較似炒飯口感肉骨茶真心幾失望😞飲一飲個湯係幾重胡椒味同蒜味心諗啲肉實好入味點知一食落口 啲肉柴皮都算 係無味個感覺仿如白烚排骨之後放番落個湯咁😂反而啲豆卜腐皮蘿白就幾入味去過新加坡食肉骨茶好味得太緊要呢個真心不推薦馬拉盞通菜都麻麻地佢啲馬拉盞味係來自中間個篤醬係無炒匀食個菜你食啲菜係普通炒菜味 完全無馬拉盞味後尾先發現 佢啲馬拉盞只加係面真係馬拉盞+通菜😰

星期日去沙田行街食飯都係好多人，所以建議食第二輪時間（大約8點後）。少爺18既海南雞set其實好抵食，不過我今晚和家人一起，所以沒有點Set，我們點了半隻海南雞加兩碗油飯share食。肉骨茶就代替餐湯，肉骨茶有分（藥材）和（淨肉骨茶），如果唔鍾意藥膳味既朋友可以點淨肉骨茶。而我自己就OK藥材味，好香藥膳味又補身（一煲入面有一隻花菇），肉骨忟到好軟身，好滑。至於黑椒大蝦呢，一碟有5隻（每隻都幾大），一定要趁熱食，蝦肉好彈牙，爽口，黑椒味好濃郁，所以唔食得辣既朋友可以選另一款口味既炒蝦。