阿木台灣生活百貨

营业中

休息中

時食完阿木台灣麵，都見鋪頭外有少量台灣食品賣，而行多一個街口到，仲有間專賣台灣食品直送既小超市。鋪頭麻雀雖小，五臟俱全，零食、乾貨、急凍食品...連生果都有。見今晚唔煮飯，買左啲餸，翻熱就食得，係懶人褔音。🔸阿木黑白切 $65即豬肉臟，有約6款，如大腸、腰尺、黑血腸...食材本身已經煮到好淋，個人中意加埋醬油膏煮，加熱幾分鐘就食得。特別推薦糯米腸同黑血腸，索晒醬油汁，特別入口，拌飯食一流。另會配辣椒醬，偏甜，配內臟味濃既黑白切都幾岩。🔸高麗菜韭黃豬肉水餃 $88一包16粒，唔使解凍煮8分鐘。就咁睇以為好細粒，點知煮完會漲大少少，皮有厚度，食落有口感。高麗菜同韭黃清甜，豬肉比例上，肥肉較瘦肉多。🔸蚵仔煎 $55台灣經典小食，底下仲有塊生菜，配埋甜辣醬，十足台灣街頭味道。成份表雖寫新鮮蚵仔，但可能經過急凍後，食落反而似乾貨蠔豉，蠔味濃縮啲。定期有唔同代購活動，之前都試過係到訂蛋糕，感覺有埋地鋪，質素有一定保證。歡迎 follow IG : fatsnow02，睇更多分享😆

非常推薦高麗菜韭黃豬肉水餃，啱啱好一啖一粒，餃子皮煙靱，豬肉餡夾雜高麗菜同韭黃，香嫩多汁，口感唔膩又有飽足感。一盒有16粒，無需解凍，水滾煮8分鐘就食得🥟阿木蚵仔煎 ，想念台灣夜市，買左呢個超級懶人料理包！只需加熱蚵仔煎，淋上醬汁即成~ 輕輕煎一煎邊位仲有脆脆口感🥳🍳 大熱嘅奶油芋頭捲好軟熟，雪凍口感一流，軟綿綿又香牛油味，包住結實又香濃嘅芋泥，甜甜的好似食緊雪糕咁，仲食得到粒粒芋頭🍠，在家下午茶超正🫖