海潮食堂

营业中

休息中

難得平日放假嚟到觀塘就帶埋媽咪嚟試下呢度嘅夾層多士我哋嗌咗蔥花蛋治同魔鬼多士蔥花蛋治烘底真係唔使多講一如既往地好食個炒蛋非常滑又夠多蔥加埋佢signature嘅夾層多士真係食過返尋味至於我心心念念嘅超邪惡魔鬼多士咁多年嘅質素依然都係世一老細仲嫌佢唔夠邪惡咁中間加咗鮮牛油加埋海量級嘅阿華田粉同煉奶每啖都非常滿足（但真係超級魔鬼😈😈）見隔籬枱個餃子好似幾好食就嗌多咗碟蒜蓉餃子勁多蒜蓉加埋佢嗰個幾香嘅辣椒油真係幾好食佢個餃子係自己包嘅韭菜餃成個配搭勁有媽媽屋企煮嘅風味😂下午茶餐就跟咗杯凍阿華田同咸檸西柚凍阿華田又係加咗超級多嘅阿華田粉😂超級正！！至於咸檸西柚係老細介紹咸檸加埋酸酸甜甜嘅西柚汽水估唔到原來咁夾值得試下！👍🏻👍🏻整體嚟講所有嘢都好有特色老闆又非常好傾隔離枱其實仲食緊個咖哩飯好似好好食下次要嚟試下食正餐先得👍🏻👍🏻👍🏻

Don’t come if you are an introvert and want to be left alone.As soon as we got there, the owner kept bugging us and asked us if we wanted this or that. STAND YOUR GROUNDS!!!! so you don’t get charged another $30 for vegetables or fried dumplings that you won’t be able to finish.Although the recommendations were good, we were not expecting a noodle dish to be $71 as it is ‘off the menu’.Would definitely come again next time but make sure you know what you are ordering before entering so he can’t

幾個友仔上一餐唔係好飽，其中一個朋友話觀塘有間椒鹽燒賣好好食，原本以為係街邊檔，點知原來係食堂。我地4個人，只係叫左椒鹽燒賣同魔鬼多士，其實都有啲唔好意思，但係老闆勁好，好熱情，仲係咁同我地講笑，我地以為佢認得帶我地去食既朋友，點知原來唔識。個魔鬼多士真係好魔鬼，佢有4層，塊包都已經唔係薄，仲層層都有煉奶同牛油，而碟邊仲有滿滿既煉奶同美祿粉，邪惡得黎真係好好食~至於個椒鹽燒賣，燒賣本身唔粉，個皮炸到好脆，上枱時熱辣辣，加埋好香既期椒鹽味同辣椒油，一流呀~

鋪頭有啲難搵，門口無招牌，好容易走漏眼。lunch time通常都要排15min左右。座位比較逼，侍應都要攝黎攝去傳菜。❤️ 蔥花蛋治薄脆多士，加上半溶牛油，咬落好重蔥油香，半熟炒蛋好滑，熱辣辣食真係超正！❤️ 魔鬼多士表面微脆，中間夾左兩層麵包同牛油，用阿華田粉+煉奶黎調味，仲意食甜野既你不防一試。❤️ 酥炸墨魚丸及蒜蓉干煎豬扒配麻辣撈公仔麵小麻辣幾正，食落幾惹味。今次食見到好多人都食煎米粉，個樣好吸引咁，下次都要試下😋