上海灘

营业中

休息中

本身對市面上林林總總既黑糖鮮奶都算免疫，由於不好太甜既食品，而且份量太大，排隊可能都要用上成個鐘，所以都無太大衝動要試～是日係葵廣頂樓見到呢間咁懷舊既黑糖鮮奶小店，而黑糖鮮奶竟然只有中杯裝，見等緊既人唔算太多，決定俾個機會佢淺嘗一下魔鬼鮮厚奶黑糖丸子 - $26等左唔算耐，大約8分鐘就已經有～味道方面，值得一讚既係鮮奶幼滑香甜，而黑糖甜味唔會過濃，最岩我呢d唔太好甜既人唯有既敗筆係珍珠太淋，口感一d都唔彈牙，食上去有少少失望呢

我同阿肥今日嚟到葵廣掃街嘅第三站,仍然係逗留咗喺三樓,無意之中俾我發現呢間台式飲品店應該易咗手,因為佢哋已經改咗名喇,職員亦都唔同哂樣,比起先前嗰間仲好似多咗好幾款選擇咁添!唔洗問阿貴,而家邊個唔賣黑糖珍奶就真係執輸行頭慘過敗家~呢間新店亦唔例外,個名仲加咗「魔鬼」😈喺前面添,叫「魔鬼😈黑糖鮮厚奶」好!!!一於又試下佢!!! 呢間嘅優勝首先在於價錢,$26蚊已經有一杯喇,就算係其他黑糖系列都唔過$30蚊,算做有啲良心,等客人可以慳番幾蚊所以新開店已經有唔小人幫襯喇~點完單之後都唔係等得太耐,幾分鐘我就已經有得飲第二樣優勝嘅地方就係佢已經標明咗係用日本北海道特選3.6牛乳沖製,所以飲落奶香充足,值得一讚只係略嫌黑糖味唔夠重,所以就會覺得冇乜甜味,反而珍珠口感又出乎意料地好,煙煙韌韌一啲都唔硬,煮得唔錯喎