三才魚蛋粉麵

营业中

休息中

喺銅鑼灣轉角有一間隱世小店食魚蛋粉每次經過都好多人食今次難得去到冇人排終於可以入去試ﾟ･ 𖥸──-ˋˏ  👣 ˎˊ-──𖥸 ｡ﾟ･今次叫咗魚蛋魚片河 魚蛋好彈牙 魚肉味好香 食得出係人手打嘅魚蛋😍好有誠意 好好食👍🏻魚片正常 都係幾彈牙 我會鍾意食魚蛋多啲湯底偏淡 正程偏向飲緊水咁 所以我最後落咗少少辣椒油吊翻味 落完先至濃味少少😂河粉分量超多😦多到食極都仲有好多😂最後真係好努力食都食唔晒👍🏻超抵食ﾟ･ 𖥸──-ˋˏ  👣 ˎˊ-──𖥸 ｡ﾟ･總括嚟講 喺銅鑼灣鬧市仲食到$41嘅晚餐已經唔知仲可以喺邊度搵 呢種咁有人情味同用心製作嘅小店要多多支持✨抵食：🌟🌟🌟🌟🌟回頭率：🌟🌟🌟🌟🌟環境: 🌟🌟🌟

💛三才魚蛋粉麵 (銅鑼灣)👍🏻魚蛋魚片河 $38魚蛋魚片彈牙，夠鮮味🤤河粉有彈性，湯底鹹香蔥花炸蒜用匙羹分開，夠貼心.👍🏻菜心腩汁(跟餐)📸02.04.2023💁🏻‍♀️舖頭細細，人龍不斷街坊食堂，全場滿座等左5分鐘左右就入得，上菜速度快快靚正，又夠平~簡直係 #糧尾救星.係銅鑼灣仲食到一碗 $38有質素有份量既麵，真係良心價💛下午茶時段仲有優惠(1430-1800)惠顧粉麵即送油菜/熱飲~勁抵🤩.除左魚蛋魚片河呼聲最高外都聽到好多客叫”炸彈”~炸魚蛋~我諗應該好正下，先甘多人叫等我下次試埋再同大家分享🤤

銅鑼灣食嘢普遍都比較貴，所以呢間三才魚蛋粉麵相對之下性價比非常之高，尤其係下午茶餐送魚皮、油菜或者熱飲，兩點幾已經好多人喺門口排隊。除咗抵食之外，三才嘅嘢食全部都係自家製，質素都好高。就好似我最鍾意食嘅炸魚皮，就係舖頭起肉整魚蛋之後，用魚皮去炸。可能係比較新鮮嘅關係，比包裝零食嘅炸魚皮厚身，魚味亦都較濃。我同朋友各叫咗一個茶餐，再加一店腩汁芥蘭。芥蘭非常翠綠嫩口，但咬落去都好腍好易咬。嚟呢度當然唔少得魚蛋魚片河，有魚味當然係基本，魚蛋非常彈牙，不愧係鎮店之寶。由於係清湯湯底，所以加咗餐廳秘製辣椒油調味，辣椒油加咗炸蒜，聞落去好香之餘，辣味亦都好夠好惹味。朋友叫咗牛什麵，都係舖頭自家製。平日豬嘅內臟就食得多，真係比較少食牛雜。除咗牛大腸同牛肚之外，其他都唔係好認到，不過牛味好重，火候十足，好多餸煮到好腍好入味，湯底相對魚蛋河濃，有啲似牛腩湯底。飲品我叫咗杯檸檬菜蜜。朋友叫左杯柚子蜜。

常聽到住將軍澳的朋友說會去三才買火鍋料，是日來到銅鑼灣獨自搵食，就想到不如去三才試試它的魚蛋河！店舖不算大，到達的時候過了午膳的高峰時間，在門外等了不足5分鐘就有位～～～魚蛋魚片河，配生菜及炸蒜，湯底加入炸蒜，增添香氣！湯底是用門鱔的魚骨熬制而成，夠香甜，又完全不油膩，食完一整碗河粉也不覺得口渴～～魚蛋及魚片份量恰好，有4粒魚蛋及3片魚片，魚蛋新鮮彈牙，魚片大塊，炸得夠香，口感同樣彈牙，好味！河粉質感滑溜而不會糊糊的～～～即使沒加入其他醬料來調味，整碗魚蛋魚片河都夠味！！見到有其他食客外賣淨片頭，令我想下次也試試它的片頭河啊！

終於有機會試下呢間黃店💛店入面電視係睇viutv ga! 叫左碗魚蛋魚片河食物方面有啲失望....個湯底好淡無味 要落辣椒油先有d味魚蛋有4粒 魚片3塊 仲有條菜 魚蛋好食既 魚片就好普通d河粉都幾滑

雖然話而家市道淡靜左，但出街食飯都依然唔平得去邊，記得幾年前在銅鑼灣工作，午餐食個車仔麵唔飽肚都要四十幾蚊，所以當我知道三才魚蛋粉麵到今時今日仲做倒三十幾蚊一個粉，仲可以食得嘅，真係要講句抵食到喊。三才小小一間魚蛋粉店，可以從佢牆上貼上米豬蓮、迷你連儂牆同五一poster，知道佢係一間黃店，不過隱身喺渣甸坊的鐵皮檔後面依然咁多人幫趁，明顯唔係單純因為政治取向，而真係抵食同好食。粉麵由$28至$33，雙拼加$6，最貴嘅四寶河都係$43，跟麵餐仲可以加$5有熱飲或加$7有凍飲，最平嘅話$33已經可以有一碗粉一杯熱飲，喺邊度搵。魚蛋魚片河($36)三才聲稱有自設工場，佢地嘅魚蛋同魚片確係幾彈口同食得出魚味，明顯唔係一般街市貨色，個人覺得魚片比魚蛋更弾牙好食。河粉幾薄幾滑，湯底清清地，食完都唔會口渴，我鍾意食辣就會加啲辣椒油。另外，三才嘅粉麵都有加蔥花同炸蒜片，不過會用湯匙分開上。牛腩拼墨魚蝦條粗麵($39)牛腩幾腍唔黏牙，墨魚蝦條好彈牙，因為加左牛腩，所以湯底係腩汁底，就咁食唔加辣味道已經唔錯，粗麵仲好爽口。好多粉麵店如果想飲嘢通常都只有散叫，三才就可以跟麵餐加錢，我同朋友叫左凍柚子蜜同凍西

.又係懲罰黃店系列！你今日罰咗未？哩間黃店位於銅鑼灣一條內街，雖然位置比較隱蔽，但係長期都有人龍，因為真係好抵食。.我地食嘅時間大概係20:30，店員出嚟好有禮貌地講唔好意思，因為好多嘢都賣晒，而我哋成為咗當晚最後兩位客人😂.魚蛋魚片河（$36）• 由於大部分粉麵麵賣晒，就轉食米粉。魚蛋同魚片都好鬆軟彈牙，有魚味但唔腥！湯底就比較清淡，加小小辣椒油就啱晒。整體來講真係平價高質！睇嚟要懲罰多佢幾次先得！.餐名：魚蛋魚片河價錢：$36評分：7.5/10餐廳：三才魚蛋粉麵 (銅鑼灣)地址：銅鑼灣渣甸坊48號采怡閣地下6號舖#HKFPcwb #HKFPchinese #HKFP💛.

喺銅鑼灣上完fitness class, 為免啱啱做運動嘅努力付諸流水，所以要食清啲，上openrice就發現三才魚蛋粉冇負評，所以同朋友決定一試！小店嘅魚蛋，魚片等都係自家設廠手打，嚟到當然要試魚蛋魚片河! 魚蛋同魚片有鮮味，唔會有太重嘅調味。相比之下，魚蛋係彈牙啲！另外仲有匙羮上嘅炸蒜，蔥同冬菜，配埋清甜嘅湯，碗麵變得更好層次！除咗魚蛋魚片河，我哋仲叫咗牛腩河。雖然唔係好驚喜，牛腩比較瘦不過都淋。湯底都係清甜，唔會係味精湯，食完好口喝。我哋仲叫多個白味鳳爪。如果鍾意食鳳爪噒骨嘅朋友可以一試，每隻鳳爪都好肥美飽滿，淡中帶少少少鹹味。我哋一路食都見到好多人食炸魚皮，好大片又好脆，下次必試！另外，好多熟客都喺到買丸去打邊爐，如果要打邊爐又經開銅鑼灣，一定要試下唔同嘅丸！最後要講嘅係啲姐姐勁好禮貌，雖然地方淺窄，但真心食得好開心！以呢個咁抵嘅價錢，可以食到咁鮮味嘅食材，又有禮貌嘅招待，三才魚蛋粉抵食！