豪隍點心 (已結業)

朋友好鍾意食點心，中式食品，佢就推介我哋一齊去呢一間豪隍點心飲茶啦。因為係疫症期間去嘅，所以人流唔算多，亦都要分隔坐。佢有好多卡位，坐得都舒服。我哋就用點心紙去落單，店員亦推介我哋試以下呢一啲點心。豪隍蝦餃皇兩粒 $23（廚師推介 低卡路里）佢好大隻蝦 心心眼😍蝦仁燒賣皇兩粒 $23（廚師推介 需等候15分鐘）大大粒 正！和風鰻魚腸 $36（廚師推介）有四條 上面有鰻魚燒汁 入面真係有一條鰻魚 貨真價實魚肚四寶雞扎 $33（廚師推介 需等候15分鐘）好大份，好足料！鮑魚雞絲腸 $37（廚師極力推介）食嘅時候其實唔係好覺得有鮑魚，但就有雞絲。我估佢係用咗素鮑魚。上海小籠包 $32 有四粒 每粒都好juicy啊！一人兩粒岩岩好！

這家點心店很細心，除了餐牌圖文並茂外，點心紙更設有中英日韓4 款語言，十分方便旅客點餐。餐牌款式都頗多，除了大路的蒸點，還有蒸飯，米線提供，更有一些新派點心。豪隍蝦餃皇 2隻，$22, 雖然價錢比較貴，但皮薄通透，蝦肉鮮爽，比一般冰鮮蝦有彈性。腸粉點了廚師推介又是得獎菜的鮑魚雞絲腸，雖然没有真鮑魚，但腸粉皮薄，米味比較重，入口滑lulu,  配上自家製甜醬油。潮洲粉果，皮薄，餡料爆滿，必定要配辣椒油。高湯鮮竹卷，最鐘意腐皮吸晒上湯的味道。食完比較油膩的點心，要食碟清清地的菜，菜的款式没有得選擇，今晚是菜心，想食得健康一點，可要求走油，餐廳都樂意去做。最後還清清地點了一碗魚旦米線，真的很清淡，没有賣相，如果加上葱花，我相信賣相會加分的，味道一樣清淡，魚旦尚算爽彈。茶芥收費6pm前每位$7元，6pm後每位$9元 (只提供一款日本玄米茶或選擇喝熱水), 有加一服務費。

今天晚上和朋友到了尖沙咀行街shopping，行完一輪之後肚子餓了，又係醫肚既時候了，沒有什麼特別想吃的東西，我們便邊行邊搵食，行到厚福街一段看見一間叫豪隍的點心專門店，門面看上去好像不錯，我們便選擇了在這裡吃晚餐，我們共點了8個點心,分別是:豪隍蝦餃皇(2粒),燒賣(2粒),海龍王雞扎, 籠仔馬拉糕,濃湯鮮竹卷,山竹牛肉,鮑魚雞絲腸粉&鳳爪排骨飯.蝦餃大大粒餡料非常用料十足,味道也很好,燒賣有一隻很大的蝦仁,而豬肉亦算結實,海龍王雞扎很特別內裡有一隻大蝦乾,所以也很鮮味,馬拉糕口感非常鬆軟亦不會太甜,至於鮑魚雞絲腸粉,腸粉本身比較淋身,如果可以爽口返d就更好了,不過本人就沒有吃出鮑魚...而其他點心味道方面尚算合格可以拍得住出面d酒樓