廣成冰室 (裝修中)

伯伯~咳咳~👴🏽🐻今次要推薦既餐廳有60年歷史，亦都由細細個食到大既冰室，廣成冰室。冰室以前主要係主要售賣凍飲、雪糕、沙冰等等既冰凍食品，所以黎到廣成不得不食佢哋嘅紅豆冰🫘🧊 自己煲煮既紅豆夠晒淋，又唔會太甜。一大杯既紅豆配上一座冰山，炎炎夏日簡直係透心涼🥵 飲過呢杯紅豆冰就返唔到轉頭，會覺得大X樂 大X活 個d係淡而無味。紅豆冰要留意供應時間，太早可能未有，太遲亦都會賣晒。無紅豆冰飲，亦推介大家飲奶茶。茶底香濃順滑，唔會太苦太澀。牛肉通粉既牛肉係新鮮牛🐮，唔係用鬆肉粉醃製過既冰牛肉。新鮮牛肉有牛味同滑身。不過有少少失望係通粉太過淋身，無咗彈牙口感，個湯無味。最失望係個菠蘿油🥺雖然依然係自家製菠蘿油，但用咗餐包做包底有啲失望🥺 另外亦都可以揀蛋治，份量都唔細🫢除咗食物推薦，都希望大家可以留意下環境。雖然無現代茶餐廳坐得咁舒舒服服，但就係有種歷史味道，懷舊同人情味。Overall 味道: 3/5 性價比: 4/5———————————————————————廣成冰室 (上水)上水石湖墟新成路10號06:30-16:00 (星期四休息)#大西北 #老字號 #好食就係好食