Aroma Dessert Cafe (已結業)

星期六嘅下晝五點嚟到都仲要排隊🤣 留意番餐廳18:00-19:00會close喔 大家要嚟嘅就記住就返啱時間啦😋▫️焙茶心太軟伴雪糕 ($65)外層焗得微脆嘅陪茶心太軟 內裏包着軟綿綿嘅蛋糕 最內層喺香濃又唔苦澀嘅焙茶流心 再配埋綠茶雪糕🤤 呢個配搭出面比較少見 不過又幾夾🤔 一啖brownie加一啖雪糕 呢個冰火交融嘅感覺的確食極都唔厭🤣 再有埋啲藍莓同士多啤梨伴碟 可以解膩😋▪️鮮雜果厚pancake ($70)兩件pancake嘅蛋味都幾濃又鬆軟 因為唔係疏乎厘pancake所以冇空氣感🙊 特別要介紹吓呢個特別嘅玫瑰花釀醬 佢唔算好甜但係果醬壓碎到一粒粒好有口感 仲散發着陣陣嘅花香😍 加埋忌廉雪糕同埋生果 真係又夾又好食🤤😋必食指數：8.5/10🌇餐廳環境：8.5/10⚓️服務態度：8/10

作為港島人，好日都唔去一次荃灣，難得今次入黎搵朋友，緊係要搵間甜品試下🤘🏻-今次揀哩間係因為見到佢都幾多好評，同埋好多好多好多唔同款色嘅甜品可以揀，所以就決定要try try佢☺️-入去舖面唔大，坐得有少少迫，下午茶時段無人等先可以坐耐啲，相信夜晚黎應該就係食完即走嘅節奏😗-焙茶心太軟🍵🍫作為心太軟控嘅我都哩個幾有驚喜☺️綠茶抹茶味就見得多，焙茶就少見啦～幾中意佢保持到焙茶嘅茶甘味，唔會過甜🥰配埋個雪糕一熱一凍正到無朋友！隔離仲有夠焦糖脆脆，令成碟野多左種口感😛唯一係覺得心太軟個蛋糕如果可以薄返啲就更好👍🏻-雜果厚pancake🥞雖然佢從來無話過自己係梳乎厘pancake，但張相睇落好似，難免會令人同梳乎厘pancake比較🙈如果以厚pancake黎講，算係做得唔錯，厚得黎唔會太實，又幾有蛋香😗但未算好特別-整體甜品唔錯嘅，其他野例如窩夫個啲都好吸引，可以再試🤗-Aroma (荃灣)好味度: 7/10抵食度:6.5/10回頭度: 7/10

剛剛同朋友吃完晚餐，途經荃灣鱟地坊附近，發現開了些甜品店，從前這邊都比較寧靜，甜品店都集中在路得圍那邊，那麼我們可以多些選擇了。 站在門口那位店員，極力推介，我們也俾店內日式厚 Pancake 相片吸引了，最後決定一試無妨。店舖雖然比較細小，但感覺好溫馨好舒服。我們叫了招牌甜品，鮮雜果厚 Pancake。口感好軟綿，充滿雞蛋香味。配與雪糕忌廉果醬吃，充滿著幸福滋味。另外，也叫了花茶喝 - 安睡花果茶，好香甜金菊味道。系唯一不完美是，花茶是不可以回沖，最後只喝了好少就走了，若可以加水再沖，會無甘浪費。發現店內椅子下，有個布袋籃子，方便客人放置手袋、隨身物件等，老闆果真細心，值得一讚。

荃灣咁多shopping mall又個個有返咁上下大，人流又多，行到攰想揾個位坐下都唔易。行出商場少少就揾到呢間出名食pancake既鋪頭仔，係正賣布街市既對面得佢特別靚仔好易就揾到下午茶時間唔洗等位，lucky其實飲完茶唔係好耐，完全唔肚餓，但見到menu吸引既甜品都忍唔住一人叫返個試下！士多啤梨藍莓拿破崙伴雲尼拿雪糕賣相靚，拿破崙餅好好食，唔比royalxx酒店差wo! 如果用吉士醬代cream更正我估。敗筆，個雪糕球硬到食唔到，仲要唔好食…因為同食pat冰無咩分別…個樣又係同menu一樣無走樣，但覺得件pancake粉味有點重，無咩蛋味，不過煎得唔錯的，火喉很重要。鬆軟但未去到フワフワ既感覺。個雪糕球…又係…點解…整體感覺係非常好的，值得推介！