鰹烏冬 (寶華閣)

营业中

休息中

晚餐我地6:45pm到，店內大概10座位，已坐滿人，前面亦有6-8人等緊。兩款真正人手打既烏冬好搶手，排到我地時都賣哂了。.🔸鰹魚清湯烏冬(熱)分數: (9/10)好煙韌😍配埋清清地既鰹魚湯一齊食真係冇得頂。.🔸竹簾烏冬(冷)分數: (8.8/10)都係好煙韌，不過冷烏冬就再韌多少少，點冷烏冬汁相對冇熱烏冬咁掛味。.🔸洋葱牛肉分數: (8.5/10)味道相對偏鹹，有啲似 _ 野家既牛肉，配埋烏冬食，味道岩岩好。.🔸關東煮分數: (8.5/10)有竹輪，蛋，蘿蔔，椰菜卷。蘿蔔好稔好入味，椰菜卷好特別入面包住啲肉。.🔸飛魚籽凍豆腐分數: (8.3/10)豆腐幾滑，上面有好多魚籽，紫菜，青瓜，醬汁伴隨一齊食，人口有不同口感，只係我唔鐘意佢其中有一小撮薑蓉。.🥢鰹魚清湯烏冬(熱)配洋葱牛肉 ($84)🥢竹簾烏冬(冷)配關東煮 ($71)🥢飛魚籽凍豆腐 ($20)

讚岐係四國香川縣嘅特產⛩麵條經反覆碾壓，切面呈正方形，食落偏煙韌彈牙。店內所用嘅烏冬，全部 用日本小麥粉，混合鹽水鮮製，即日切割，不留過夜，以免影響口感🍜💗鰹魚清湯熱烏冬($82)湯底以鰹魚乾、昆布、 仲有讚岐風必定有嘅小魚乾熬成，清淡鮮甜唔會腥🐟烏冬較為粗身，所以食落超級爽口滑溜。旁邊伴住份量唔少嘅海帶、香蔥、鳴門卷同薑蓉🍥配搭雖然簡單但傳統經典，仲可以任加天婦蘿脆脆增加口感。💗天婦羅雞件(4件)炸漿薄身，外層夠金黃香脆🍤雞肉唔會太薄身夠鬆軟，肉質唔會好多肥膏，食落鮮嫩多汁。雖然係雪藏貨，勝在調味做得好好，加咗少少七味粉去醃好入味，整體唔油膩已經完勝🐥💗三文魚籽醬油冷烏冬($115)烏冬過足冷河，涼快之極❄️食落比熱嘅更加彈牙十倍，超級煙韌但唔黏牙。鏗魚醬油比一般鮮甜唔會過鹹，飛魚子嘅爽脆令整體口感再提升，圓潤飽滿有光澤嘅三文魚籽食落帶咸香，全部都好鮮甜完全唔腥，而且餐廳唔吝嗇咁落足料🐠如果爆出嘅魚油再多d就正。💗洋蔥牛肉牛肉片肥瘦均匀，雖然只係普通肥牛，但一d雪味都冇，而且牛味都算濃。不過可以唔洗炒到咁熟，肉質就會更鮮嫩🐮和風汁嘅醬油味香，如果加多番d味醂嘅甜味應該會更正，而且洋蔥絲