定食 Doraya (厚福街)

营业中

休息中

性價比：8/10人均消費：$220美味指數：❤️❤️❤️❤️以前一直食開銅鑼灣嘅定食 Doraya，尖沙咀反而未幫襯過。今次專程拜訪，7:45pm 到達，派隊排15 分鐘就入得。😋藍鰭吞拿魚大腩&魚腩蓉丼定食 ($198)以5片大腩+ 魚腩計，價錢相當合理，質素不俗，基本上冇筋。如果喺高檔少少既日本餐廳食，估計要貴一倍。😋炸豬扒 ($98)水準雖然未去到專門店級數，但炸粉相當脆口，即叫即炸，份量分到7件。喺肚餓嘅狀態下，推薦食呢樣。😅鰻魚玉子燒 ($48)玉子燒係好食嘅，但鰻魚實在太多骨。🥲牛舌 ($48)呢個價錢竟然有9件，理應好抵食，但確實真係硬到喊，用4至5分鐘先咬完一件落肚。而且已經係即時食，但肉質硬到要放棄。😐芝士蛋糕 ($20)一般貨仔，唔使特別去試。

星期五晚，6:45左右到達已經人山人海，兩位大概要等半小時。我地叫左吞拿魚&炸雞定食，人氣鰻魚玉子燒同三文魚頭鮫。定食有兩碟前菜，茶碗蒸，沙律同麵鼓湯，都幾多野，鐵板香燒吞拿魚-味道一般，茶碗蒸都ok。炸雞定食-啲炸雞上枱已經唔脆，有啲失望，調味仲好差，有兩舊超鹹，有啲無咩味。鰻魚玉子燒-味道好普通，係人氣食品之一。鹽燒三文魚頭鮫- 燒得幾香脆，但部分肉燒得有啲乾。整體算可以，定食分量都幾多，食完會好飽。

經朋友介紹話呢到既拖羅好正，今日就約左朋友一齊去試試佢！8點鐘都幾多人等位，我地都要等左大約15分鐘。入到去好快就好菜有餐牌，雖然忙，不過服務都幾好！<巨峰提子SOUR，$32>我叫左個巨峰提子SOUR，果汁味重，無乜酒味，岩哂我！最好係比杯冰我，keep住杯酒都係冰凍既！<鹽燒牛舌串，$38>呢個牛舌串加左少少檸檬汁，帶出左牛既香味。牛舌口感好好，一啲都唔韌，又無膻味！<鰻魚玉子燒，$48>呢個玉子燒包住個鰻魚同菜，個蛋好多汁，有好濃郁既蛋味。鰻魚比我想像之中大舊，食落好肥美，完全食唔到有骨。<吞拿魚大腩丼定食，$240><吞拿魚大腩丼定食，$240>呢個拖羅飯好好味！大家都見到拖羅既顔色都好靚好新鮮，而且仲好肥美！食落好多魚油，都幾新鮮，完全無腥味！同日本既拖羅比較，欠左了鮮甜味。不過以香港既去比較，呢個已經無得彈！整體而言，我絕對推介大家黎食呢個拖羅定食！價錢合理，唔算太貴，本來以後唔夠食，但其實兩人share一個定食再加兩個小食係岩岩好！另外值得一讚既係服務，雖然話限時90分鐘，但我地坐超過了90分