定食 Doraya (厚福街)

营业中

休息中

已經食左好多年，由有任食沙律吧，去到疫情，到捱過左疫情。明明間餐廳唔多人，係門口話一位，都可以唔理個客人。講左左兩次先應我。結果叫左一個吞拿魚扒飯，間餐廳有一半以上空枱，等左二十分鐘都未有，後來嘅客人都食緊，要催兩次先有。侍應不停傾偈，即係唔係唔俾你講。但講到勁大聲。客人催單都愛理不理嘅樣。平時多人都唔使等咁耐，擺明漏單。份量已經比以前少，塊扒已經比以前薄。壽司飯無以前咁好食，硬到隔夜飯咁。好希望老闆關注一下員工服務同食物質素。希望唔係最後一次嚟幫襯。真心失望。好耐未試過未食完就寫食評。

星期六特登想去呢間食因為係兒時回憶細個成日同老公拍拖食呢間嗰時質素好好今日食午餐午餐唔會因為咁而平咗但係份量就少咗一半變相加咗價唔知佢夜晚係咪都咁總之嗰次食午餐啲飯仲多過刺身啲刺身仲要係啲邊邊角角唔會再幫伏伏伏伏伏伏伏伏伏伏🤢🤢🤢🤢🤢🤢🤢🤢🤢🤢🤢同埋明明有好多座位，但係侍應都會夾硬塞啲人同你搭枱仲要食完我同老公第二日都肚痾，你話關唔關事我就覺得關事囉

今次嚟到 Doraya，為咗可以同時食到吞拿魚同三文魚，試咗佢哋嘅特選海之幸壽司丼定食(๑¯∀¯๑)#### 1. 特選海之幸壽司丼定食- **價格**：$178- **評價**：魚生切得厚薄適中，口感滑嫩，特別係三文魚同吞拿魚，食完之後都有種鮮甜嘅回味。定食仲配有小菜同味噌湯，整體感覺好有日式風味，值得推薦！(｡・ω・｡)價錢方面，$178 雖然唔算平，但以佢哋嘅食材質素同服務質素黎講，都算合理。總括嚟講，無論係食材定係環境都令人滿意ε(*´･∀･｀)зﾞ

之前常聽說「定食Doraya」的吞拿魚質素不錯，不過始終無緣到訪。這天難得來到厚福街附近，便趁機一試。平日午市套餐有各種吞拿魚迷你丼配烏冬/蕎麥麵，也有其他不是吞拿魚的刺身或熟食套餐。因為一心想吃吞拿魚，所以點了主餐牌中的定食，刺身的份量會比午市套餐多。吞拿魚扒定食 $157（連加一）吞拿魚扒定食共有8片吞拿魚，其中有4片赤身，魚味濃郁，肉質細滑，吃得出是只有新鮮吞拿魚才有的質感；另外兩片的部位近中拖羅，魚油香更出眾；最後兩片是尾部，刺身的切面呈扁長的圓形，頭圓尾尖細長的一條，血色比赤身更濃重（已接近紫紅色）。最初一看，心想一份定食有這些頭頭尾尾的「下欄位」也無可厚非，這種深沈的血色，也令人有魚肉會很腥的觀感；不料刺身一入口，不但全無腥味，魚味甚至比赤身更濃更甜，而且比起赤身的軟滑，尾部的肉質爽口彈牙，出乎意料的好吃。還是第一次吃到這部位，覺得甚至比中拖羅和赤身更美味呢。雖然每片刺身都有條筋，但無阻享受吞拿魚滑嫩的口感。定食可選配白飯或壽司飯（醋飯），我選了後者，飯是室溫的，醋味溫和，飯粒分明而富彈性，和吞拿魚很配。畢竟吞拿魚對鮮度的要求比其他魚都要高，稍一不夠新鮮，質感很容易會變得粉

如果你未試過就真係miss out左！真心喺香港食過最美味嘅吞拿魚刺身！吞拿魚魚生控一定要試一下😩❛ 藍鰭吞拿魚扒丼定食 bluefin tuna steak bowl set ($143)藍鰭吞拿魚新鮮同埋夠厚切！肥瘦適中，肉質鮮嫩軟腍，最喜歡吞拿魚扒灼燒嘅味道同埋口感，灼燒過逼到啲油脂出來好香！白飯用上日本米好香綿密濕潤❛ 吞拿魚蓉&三文魚籽丼定食 minced fatty bluefin tuna & salmon roe bowl set ($168)勁厚一層吞拿魚蓉蓋過成碗飯！好誇張！魚蓉鮮嫩肥美，啖啖肉配綿密嘅白飯真係好滿足🥰 三文魚籽鮮甜爆汁，加左隻溫泉蛋 (+$15) 勁大隻同埋滑！撈埋一齊食更滑更美味🤤所有套餐都包茶碗蒸、味噌湯同埋小菜茶碗蒸滑溜多料 – 有軟腍嘅瘦肉同埋蘑菇；味噌湯唔會太鹹有粒粒滑豆腐以呢個價格、質素同埋份量真係好抵食！但係請有心理準備繁忙時段可能要排隊—ʜᴋᴅ $150-200 𝗉𝗉 𝙧𝙚𝙨𝙚𝙧𝙫𝙖𝙩𝙞𝙤𝙣𝙨: no𝙧𝙚𝙫𝙞𝙨𝙞𝙩? yes𝙤𝙫𝙚𝙧𝙖𝙡𝙡: 8/10—📍 定食 Doraya尖沙咀厚福街8號H8 6樓

Doraya有三間分店，分別喺中環，銅鑼灣，同尖沙咀，尖沙咀呢間最寬敞，最多位置，食物質素亦一貫幾好。真係好鍾意呢間嘅魚生飯，魚生新鮮、鮮甜，壽司飯亦做得恰到好處，用真正日本買又有少少香醋味。最重要嘅係價錢合理，豐儉由人。

Lunch time 我來到一間專門供應日本魚生飯的餐廳，對於喜歡生魚的我來說，這裡簡直是個天堂。餐廳的魚生新鮮，每一片都切得恰到好處，搭配的醬汁更是美味。我點了一碗魚生飯定食，米飯的軟硬度適中，口感非常棒。飯量上，其實對於一般女生來說是足夠的，但如果我那天肚子特別餓，可能會覺得有點不足。不過，這碗飯的魚生份量也算豐富，每一口都充滿了海鮮的鮮味。環境方面，餐廳簡約而舒適，讓人感到放鬆，適合與朋友一起享用美食。整體來說，這次的用餐體驗讓我十分滿意，如果你喜歡新鮮的魚生飯，這裡絕對值得一試！期待下次再來探索更多美味的選擇！

好多年前開始定期都會去食Doraya。特別係疫情時無得出關，成鬼日走去食。自從開返關就少左去食。今日咁岩同朋友去開尖沙咀，就順便去幫襯下😋同朋友大約13:00上到去，果然都係排晒長龍，好彩等左唔係好耐就可以入座😌見到有個新出menu吞拿魚他他丼定食$198。一食好有驚喜！甜甜地既汁加上薑汁，成件事好夾。加埋隻生雞蛋🥚諗起都想再試😍😋吞拿魚既份量都俾得好足，CP值好高。朋友就叫左銀鱈魚西京燒定食$178。魚都好嫩滑，個汁都一樣係甜甜地好味～隔咗咁多無食，Doraya一樣keep到質素，唯一美中不足既係10年不變既排長龍🙈🙈🙈

呢間老字號最出名係日本吞拿魚飯！聽就聽得多，終於第一次去。🍱粒粒海鮮丼定食- $158細細粒一口一啖非常足料，配壽司飯食好開胃定食套餐有埋蒸蛋，湯同漬物～🍱特選海之幸壽司丼定食- $178首先砌得好靚，即刻打卡影相先🤣有唔同款嘅刺身，每片刺身都切到好厚身，好新鮮！Order完好快上菜，講真呢個價錢食到咁高質魚生，CP值超高。下次會再去👍🏻PS：店員態度好有禮貌，特地安排方便放bb車嘅座位俾我哋😊

每一次都唔會失望，質素始終如一！試左個新Menu 他他丼吞拿魚的油脂含量超晒標！日本生雞蛋胖飯！真係冇得輸。。。。同個茶碗蒸都好好食！好似話攞左個咩大陸獎！又多咗人等位！！！呢個真係唔開心！唔好攪我個飯堂啦

由三年前到而家，隔幾個月就會去幫襯一次的餐廳。今次去完之後好失望，食物質差咗好多，份量都越來越少。在電話相簿搵翻曾經影低的相片，擺埋一齊做對比～～食物質素降低到真係令人好失望。今年以來，時不時有食開的餐廳唔見咗，除咗多咗好多人北上消費，我哋本地餐廳係咪都出咗問題？冇加價，但係變相降低質素及減少份量。一個定食258+10%服務費，又應該係點樣嘅質素？下次如有機會再幫襯，希望餐廳會變翻以前的質素🙏🙏

🍣 **菜式介紹**最近喺尖沙咀發現了一間日本餐廳，佢哋主打各種新鮮海鮮料理。今次我試左佢哋的**吞拿魚扒刺身定食**，真係要大力推薦俾大家！- **吞拿魚扒刺身**：呢個套餐入面最吸引人既當然就係呢份厚切的吞拿魚扒啦！每片都非常新鮮，而且口感嫩滑，一啲腥味都冇。- **海鮮蒸蛋**：另外仲有一碗海鮮蒸蛋，上面鋪滿了蝦仁、蟹肉同埋貝柱，每一口都有濃郁的海洋風味，非常美味。- 其他配菜包括白飯、醬油漬物和湯品，全套下來份量相當豐富整體用餐經驗非常愉快。侍應生態度親切友善，而且上菜速度亦十分迅速。

定食 Doraya 以前有一排好鍾意食呢間Doraya講真 佢啲刺身好新鮮 又大份雖然價錢少少貴 但一分錢一分貨佢啲野高質又大份次次都食到好滿足今次腸胃炎尾聲 唔敢食生冷野但又約左同事食Doraya 所以叫左鰻魚盒飯定食鰻魚盒飯定食 $148呢個定食好豐富同有種日式精緻沙律、茶碗蒸、味噌湯同漬物茶碗蒸超嫩滑 食完好滿足細份沙律食完好開胃半條鰻魚岩岩好夠食配埋鰻魚汁同漬物送飯一齊食諗返都想再食🤤好食指數：10/10👛抵食指數：7/10🪑好坐指數：7/10🤓再食指數：高

呢間野有幾間分店，係尖沙咀厚富街個間要搭lift 上6/f。 一打開門，已經見到午餐時間人山人海。 一個人食都還是有位的，不需要等太耐。 望下個餐牌，每一份餐差不多都要過百蚊～ 既然黎到，就要叫刺身或者魚生壽司飯試吓。我點既係$118 DORAYA午餐定食 🍱有沙律前菜、蒸蛋、麵豉湯、三色刺身、炸雞、炸蠔🦪 個刺身好似幾新鮮，吞拿魚好紅～ 上菜頗快～ 餐巾一疊放在係檯面任拎，比一般餐廳豪氣～ 👍🏻 公司聚餐可來這裏，簡簡單單，價錢不過不失。

週六中午居然唔使等位，點咗自選三式刺身丼，在店員推薦下點咗最後一份慢煮西京燒油甘魚鮫。慢煮西京燒油甘魚鮫出乎意料的美味，非常非常潤，入口油潤又唔會膩，表皮塗咗醬燒到甜甜地，超級大件飽滿到似個豬仔。對我黎講，呢個燒油甘魚鮫超過了Toro。 PS. 店員話因為係慢煮，每日數量唔多，只有工作日晚市同週末供應。茶碗蒸加冬菇好鮮，甜蝦比較抵食，三文魚籽同池魚會有少少腥，Toro無需多言。