金鶴拉麵 (九龍城道) (已結業)

家姐屋企大裝修，暫時未有屋企飯食，約我係佢家附近食，她住土瓜灣，咁啱見到我之前就想食嘅金鶴拉麵土瓜灣有分店，就決定食呢間。內籠裝修較黑， 有高檔日本餐廳feel， 好在打開menu，最貴嗰個都係鰻魚飯，而且個饅魚飯睇個board話有3cm厚，好正咁。 我地兩order 了鰻魚飯， 激辛拉麵， 再加多個炸雞。鰻魚飯有連埋鰻際肝湯 ，珍珠米粒粒分明，唔會太多汁浸過飯粒， 鰻魚好厚肉都有3cm厚， 有彈性嘅焦香味，鰻魚肉軟腍帶膠質，沒有碎骨，美味。激辛拉麵最出色的唔係嗰個叉燒而係入面嘅白雞肉, 慢煮雞胸肉肉質細緻，入口一點都不鞋口， 麵質彈牙。炸雞性價比高，38蚊有三大舊，伴有椒鹽, 又唔會炸過頭，保留了水份。download佢app即時有100分送，可換飲品。

響香港想食一個真正得上日本人整既鰻魚飯其實唔容易，而且鰻魚飯其實煮法都有唔同門派，有啲會蒸熟左先燒，有啲就直接活鰻用炭火燒，整出黎既效果，口感同味道都各有千秋。為左滿足一下口慾，今次試左呢間拉面店既鰻魚飯，雖然份量無京都見到果啲鰻魚丼咁誇張，但係鰻魚份量都唔少。佢地既鰻魚好厚身，好多肉，鍾意啖啖鰻魚肉既朋友應該會鍾意。不過我就覺得用無咁厚肉既鰻魚有個好處，就係成條鰻魚剚可以入味啲，佢地呢度既鰻肉有肉厚既好處，但就令到肉既中間部份唔夠燒汁味。不過整體都算ok既。

對上一次同喺朋友極力推介下食咗佐敦間金鶴，感覺十分良好！估唔到近近地我喺土瓜灣已經有分店！今次去到大概七點半，咁啱bar枱有位，師傅就安排我地坐呢到望住佢煮😆好有去日本嘅感覺！先講講呢到裝修真係值得一讚！沉實簡潔，用上深木色設計，加上微黃嘅燈光，連帶樓面各人不時用日文講歡迎及致謝，真係令人喺呢餐飯期間置身不同世界嘅感覺！食物方面，朋友都係嗌佢最愛嘅沾麵，濃郁嘅湯頭，一撮麵蘸上一口湯，又係一場味覺饗宴，兩塊雞胸肉嫩滑實在、兩塊叉燒肥瘦適中！而我就試咗鰻魚飯，雖然價錢唔算平，但真係十分值得一試！鰻魚焦香入味，厚肉而且味道濃郁，嚼一口鰻魚一口飯，份量剛好！配以一碗清湯，剛好中和鰻魚嘅濃味，完美！上次我地食完dl咗金鶴個app，用咗300分就換到碟唐揚雞😝脆口肉質鮮嫩多汁，激讚！Menu設計都好靚，清楚列明有咩材料同埋注意事項！