京滬佳餚 (The LOHAS康城) (已結業)

今日入咗康城，喺商場見到一間食京.滬菜，老公已經心心眼，仲要有佢鍾意嘅片皮鴨，今餐全部都點咗佢鍾意食嘅嘢，真係大滿足。餐廳華麗之餘又有時尚感，用嘅碗碟同筷子座都好精緻，座位寬闊舒適，有一邊仲可以望住商場下層嘅溜冰場！京滬酥香烤鴨［半例］賣相好靚，連放配菜隻碟都特製六格，有青瓜、京蔥、蒜蓉、砂糖、醬⋯ 鴨皮去咗肥膏，食落唔會肥膩，皮脆肉香，睇得出好用心製作。鱔糊炒麵上海菜嘅代表，已經好多年冇食過好懷念，芽菜韭黃加埋黃鱔肉，就係呢個味道。唔肥唔膩 唔錯！拔絲香蕉 $88呢個真係不得了，好少地方有得食，見到餐牌有立即叫，實物比上鏡更靚，香蕉炸完之後軟綿綿又香甜，製作需時份量都幾多，咁大製作只係$88抵食嘅，但人多叫呢個會好啲，每人食一兩舊，始終拔絲係糖就會比較甜。山楂楊梅果 $38外型好似一粒荔枝，睇得又食得，山楂餡酸酸地幾開胃，頂嗰棵係薄荷葉。

去呢頭探朋友，緊係食埋飯先走啦😋見到有新中菜館，重有扁皮鴨，一於試下！烤鴨賣相精緻，配料有六款，最特別是有蒜蓉醬，店員溫馨提示我們配鴨髀吃味道更佳，果然不錯！烤鴨皮薄脆身，肉味香濃。將扁皮鴨伴醬汁一同吃，油香在口腔久久不散，青瓜等配菜剛好中和油膩感。羊肉切薄片，微辣沒有羊酥味。香料、孜然味濃。整體十分惹味，最好叫碗白飯同吃！牛肉煎餅要趁熱食！樣子的骰，色澤金黃，一咬就爆汁！煎餅口感像酥皮，味道酥脆。牛肉醃得入味，伴湯汁、酥餅同吃，十分滋味。若份量再大一點更好！鱔肉脆口，炒麵麵條煙韌，不會過淋～麵條掛汁能力不錯，沾滿鱔糊汁。