Coffee Break (鴻輝大廈)

营业中

休息中

旺角好似都食到無咩好野, 行緊女人街, 見到呢間野都幾多人食飯, 就try try佢~d裝修都幾舒服~ 睇到職員沖野飲~佢仲有board games玩wor ~ 傾計傾到悶可以一齊玩^^set dinner~都好多款,仲有漢堡!set dinner有得簡要沙律/湯~ 我地就要左個沙律~ 佢都幾新鮮、水分足、唔會有苦味。再加上佢個黑醋汁、好開胃阿~黑蒜蘆筍蟹肉意大利飯! 首先出面比較小餐廳用黑蒜黎煮意大利飯, 因為成本都比較高。而呢個飯, 第一啖食落去,真係有滿滿既黑蒜味^^ 佢個種香味係重過一般白蒜頭好多, 而食食下就會食到蟹肉既味道, 雖然都係雪蟹, 但都食到一定既鮮味, 配合埋粒粒蘆筍, 有口感之餘, 味道仲好豐富~ 鵝肝芝士牛肉漢堡配薯條!薯條炸到脆卜卜, 好熱阿! 即叫即煮哦鵝肝煮到外脆內軟~牛肉就正正常常, 係略覺得小左D肉汁, 干左小小~ 但overall黎講都ok ~呢間野D職員都幾有禮貌, 又好後生, 埋單唔使300蚊~ 算係一間值得支持既本地小店!

今日同同事放工去左旺角食飯吹水減壓，決定去break 一break ! 餐廳近油麻地地鐵站A2出囗，唔難搵！晚上九點幾去到亦坐無虛席，店內裝潢偏歐陸風格，吊燈和雲石枱好吸睛！拎住個餐牌左揀右揀，樣樣都想試！最後揀左鵝肝芝士牛肉漢堡配薯條$138；同溫泉蛋卡邦尼意粉$82（加$8沙律轉配餐湯）。飲品方面，套餐包一杯$30價錢內嘅野飲，超出$30只需補回差價！先嚟餐湯。蕃茄湯充滿新鮮茄茸，味道酸酸甜甜，非常fresh!之後上餐飲！我同同事都揀左雜莓乳酪（原價$48，跟套餐補回$18便可）。乳酪味道有d似益力多而且超多雜莓！足料！然後就係溫泉蛋卡邦尼意粉。意粉賣相吸引，配料豐富；喜歡意粉嘅軟硬度，加上少許香草和黑椒，但略嫌溫泉蛋過熟！最後係超juicy嘅鵝肝芝士牛肉漢堡配薯條！一上枱就已經覺得太邪惡！漢堡包塗上牛油再烘，配上原塊厚蕃茄同生菜，牛肉牛味重多汁，鵝肝外皮煎到香脆⋯多種滋味集於一身，强烈推介！