嘉樂冰廳 (新村街)

营业中

休息中

嘉樂冰廰係因為超厚雞蛋三文治而出名，對於我呢個蛋痴，又點會唔來試。超厚火腿雞蛋三文治（烘底） ($29 + $2)- 為了營造五吋超厚效果，老闆用上6-7隻雞蛋，令三文治蛋香味十足。拿上手感覺份量十足！蛋香味加上咸牛肉的味道平衡，很美味，很Juicy。豉油王雞翼 ($36) - 一份6隻，伴酸辣醬。巴西雞翼肥大，油份會重啲，雞翼脹卜卜，咬落有少少爆汁效果。雞肉啱啱好熟，嫩滑唔鞋口，乾淨冇毛，豉油味唔算好重，唔會太鹹。阿華田奶昔 ($29 )- 阿華田味濃唔過甜，沙冰預料之內冰感重，但幾順滑冇冰碎，用幼身飲管已經可以，天氣炎熱，飲返杯凍奶昔透心涼特別解渴。

知道冰室將於三月結業，專程入荃灣食，星期六下午五點半到，好好彩唔洗排隊即刻有位坐！冰室裝修睇得出經營左好多年，好有懷舊風味，由於佢好多人幫襯，所以他位都要兩人拍埋一邊坐。雖然佢地成日都有好多人排長龍，但樓面對客人都好有禮，好家庭式感覺。食物性價比超高蛋牛治份量超大！雲呑撈麵鹵水雞翼: 鹵水汁好入味，雞翼無雪味，出面食唔到可惜佢將會係三月光榮結業，想食好快啲黎啦

- 地道港式早餐 -朋友由美國嚟到，話想食地道香港早餐。於是我一早帶佢去荃灣嘅嘉樂冰廳，入到去剛剛好有位坐。我地叫左小奄列、鹵水雞翼、熱奶茶同凍鴛鴦，份量足夠兩個人食。而同枱嘅男仔叫左件蛋牛治，係超級大份量，蛋厚過塊多士，真係一個人未必可以食得哂。佢好好人呀！比我同朋友影下件三文治。冰廳明年三月結業，好好把握時間啦！

第二次到訪，連跨區的朋友也為了蛋治而來。一件蛋治足以飽肚，香滑的口感，Size會令你深感物有所值。今次為了吃更多， 蛋治一人一半，再加一份雞翼，再加一份酥炸菜肉雲吞。雞翼正呀，鹵到皮脆肉滑，加上泰式甜辣醬又另一番風味。菜肉雲吞正呀，餡料份量合宜平均，菜味十足。我一杯凍鮮檸汁，酸度剛好而不甜，正呀。朋友一杯阿華田奶昔，份量足以相對3杯阿華田雪糕，正呀。好正呀。

歷史悠久嘅荃灣，當然唔少得隱藏著久經磨練仍然屹立不倒嘅餐廳。我就慕名而來品嚐堪稱"厚到爆燈"嘅蛋牛治。嘩！分量相當驚人，一碗面絕對可以兩個人食，而且我又膽粗粗咁叫埋："原隻鮮蝦炸雲吞" - 未食過成粒咁炸嘅雲吞"鹵水雞翼" - 鹵得又幾好味喎，唔會過熟。"蛋牛治" - 果層厚到暈嘅蛋，真係不得了。據稱果份火腿奄列用左成10隻蛋整......

今日係荃灣見完客，又係Lunch time , 更要試下本區野啦，行左兩條街，見到有間冰室門口有人排隊，上上開飯睇，有蛋食叫左三樣野，蛋牛治，咖哩牛腩撈意，雞翼。先講下蛋牛治，隻蛋有啲過分，大份到有啲無禮貌嘅感覺，雖然唔係流心蛋，但都唔係實的的，好滿足到一班蛋怪（好似我咁），牛肉味唔太驚喜，但總括黎講，食得好開心！跟手咖哩牛腩撈意粉，咖哩同牛腩味道其實唔錯，係當撈左落意粉之後有小小唔襯，覺得如果係油麵口感可能會好啲（純個人口味）。鹵水雞翼，我會比好高分，好入味，絕對唔係得個表面鹵過下就上枱，可能有人會覺得個鹵水太甜，但我覺得剛剛好。嘉樂，我下次會再排隊

久仰之巨蛋...打令令講了好耐比我聽荃灣勁出名之巨蛋, 因為佢成日都去食..叫我一定要試下巨蛋既*威力*..於是決定去幫打令令整電腦同時..順便試埋...當日都焗熱..嘩..當時已2點幾...仲有咁多人係外面排隊...於是我相公一個人係餐廳外面排了9個字既隊~ ! b泡魚+打令令緊係行街街嘆冷氣也~小火腿omelet - 份量勁~ B泡魚一個人食..一定食唔晒呀~ 好濃蛋味..火腿絲又多炸雲吞- 脆口, 唔油, 好味道鹵水雞翼 - 夠入味鮮牛蛋治- 嘩~ 好厚呀! 一個人點食...濟晒啦...炸豬扒- 打令令話必食, 幾好, 夠大塊仲有飲品 - 凍古古力, 凍鮮檸汁 & 鮮蛋奶昔 - 檸汁酸咗D, 鮮蛋奶昔相公話有淡淡既蛋香喎~3個人共食了$200 有找, 唔好要求有咩餐廳服務, 因為人太多了~ 以咁既份量同價錢比確係抵~ 不過食完呢餐, 成個星期都唔想食蛋, 因為超標呢!

來到嘉樂冰廳門口, 看見慕名而來的人不少等了45分鐘才進去...進去見坐位不多, 加起來才30多個坐位怪不得要等這麼久肚子很餓, 二話不說點了:1. 火腿小奄列 - 原本想點火腿奄列, 但是日沒有供應- 簡直大得不成比例, 乾脆叫火腿奄列, 然後火腿奄列叫火腿大奄列吧- 老實說吃得很滿足, 味道亦很不錯2. 凍檸茶- 茶餐廳應有水準3. 鹵水雞翼- 不明為何要放甜酸醬, 雞翼又不是炸的, 味道夾不起來4. 鮮牛蛋治- 味道沒有比奄列好, 但份量依然很大強烈推介火腿小奄列