海南少爺 (已結業)

隔一排掛住碗喇沙又再嚟海南少爺食正宗星馬娘惹菜 🇸🇬 🇲🇾 🥥椰香海鮮喇沙每次食星馬菜必點菜式 重點係湯底夠椰夠滑麵底混合咗米線米粉 材料有魚片🦐鮮蝦🥚蛋 魷魚圈🦑特色辣醬用匙羹另上🌶️隨意控制辣度🍢印尼炒飯配沙嗲串燒一串牛肉一串豬肉🍚飯底醬油味濃略帶微辣 每粒飯炒得色澤均勻 🥒青瓜蕃茄爽口 炸蝦片要趁脆即食🦑鹹蛋黃魷魚鍾意香口野一定要叫呢款🥚香濃鹹蛋黃同任何炸物都百搭 魷魚大件亦唔韌🍓雲朵草莓玫瑰鮮奶熱愛粉紅色嘅朋友 毫不猶豫叫咗呢杯充滿粉紅少女心🩷綿滑奶泡伴新鮮草莓🍓鮮奶散發淡淡玫瑰花香🍊金桔百香果梳打金桔味蘋果？ 連蘋果🍎都醃到桔味Refreshing 嘅熱帶水果 最適合食完喇沙 清一清味蕾上濃稠湯底

放工去海港城行街，見到有間星馬菜，仲有海景睇，於是去試試。馬來西亞肉骨茶(藥材) $178————————————近排又忙又覺得好攰，飲馬來西亞嘅藥材肉骨茶就啱喇可以補充返體力！肉骨茶以當歸、枸杞、黨蔘煮成，加上豬肉，非常香濃好味。豬肉可選三吋排骨、豬手、豬腩肉、豬肚其中兩款，我揀咗豬腩肉，入口軟軟綿綿、口感軟糯，油脂滿滿好正呀！另外會配上響鈴、豆卜、油條、炸魚皮、炸支竹，好豐富呀！印尼炒飯配沙嗲串燒 $118————————————餐廳用咗自家製嘅形式調味印尼炒飯，包括自家製嘅香辣馬拉盞，炒飯鹹鹹香香非常惹味，配上鳳尾蝦、雞肉粒、蝦片同埋太陽蛋，沙嗲串好正呀，係有粒粒花生口感嘅沙嗲醬！鹹蛋黃魷魚 $106————————————超級邪惡，外皮滿滿嘅鹹蛋黃！非常香口！

好耐冇食過東南亞菜，前幾日經過尖沙咀海港城，見到呢間餐廳嘅喇沙麵好像不錯，正值晚餐時間，於是外賣返屋企同屋企人一起分享慢慢嘆。見到餐廳内部裝修大氣，如果坐在玻璃窗邊更可欣賞維港兩岸夜色和海景，增添浪漫風情，下次想堂食約朋友添。<鹹蛋黃魷魚> $106鹹蛋黃魷魚誠意十足，魷魚炸得香脆，外層鋪滿厚厚一層鹹蛋黃，香脆魷魚加上鹹蛋黃沙沙嘅口感，食落鹹香美味，忍唔住夾多舊黎食。<沙嗲拼盤6串> $118拼盤揀咗豬肉mix雞肉沙嗲，沙嗲用餐廳自家調味醬汁醃製12小時，肉質嫩滑惹味，加上特製花生沙嗲醬，肉香充斥味蕾，滋味無窮。<滷水鹹豬手> $128豬手外皮煙韌，晶瑩剔透，但內裏肉質相當滑嫩，滷得相當入味，但唔會太鹹，送飯一流。<招牌海南雞飯拼海鮮喇沙> $138想食喇沙麵又想食海南雞飯，why not both? 海南雞飯粒粒分明，雞油味重，海南雞肉質滑嫩，連皮食一啲都唔覺得油膩，點埋附上嘅三個醬汁：薑蓉醬、黑醬油、酸辣汁，更增添風味。海鮮喇沙亦都係一絕，配料有豆卜、豆芽、魚片、蝦、魷魚圈等，米線爽口彈牙，喇沙湯底椰香味重，辣度亦都好

#joyfood_尖沙咀海南少爺 📍尖沙咀廣東道3-27號海港城海運大廈地下G16號舖━━━━━━━━━━━━━━━━━━━━━━━━━━━━咁啱見到海南少爺做緊外賣85折 咁就試吓！原價六百幾 折完五百幾好抵食 係四個人食完好飽嘅程度🙈and值得一提嘅係佢地包裝做得幾好 紙袋都會比兩個套住以防穿窿━━━━━━━━━━━━━━━━━━━━━━━━━━━━😈 鹹蛋黃魷魚 $108▶︎ 一向對鹹蛋黃製品有興趣 所以係眾多小食中一眼睇中呢個 ▶︎ 炸皮幾薄 裹滿鹹蛋黃 雖然拎返屋企容易淋咗 不過我地用空氣炸鍋翻熱之後超級香口🤩▶︎ 魷魚都幾彈牙 而鹹蛋黃味好重 整體幾好味👍🏻好味指數:●●●●◐━━━━━━━━━━━━━━━━━━━━━━━━━━━━🐔 海南雞半隻 配雞湯+油飯 $240▶︎ 半隻海南雞分量幾足 盒入面有兩層肉▶︎ 海南雞肉質嫩滑 肥膏位唔會非常多 配上醬料就啱啱好👌🏻▶︎ 個人非常鐘意佢地嘅雞油飯🤤 雖然凍咗但係唔會漏 粒粒分明又有雞油香好味指數:●●●●○━━━━━━━━━━━━━━━━━━━━━━━━━━━━🍝 炒貴刁 $120 ▶︎ 第一次食 呢間嘅炒貴刁似乎係粿條同油麵雙拼 配料

朋友太鍾意食呢到既蘿蔔糕所以推介過好多次叫我試😂，呢次去開尖沙咀就一於同佢試下。平日7點左右黎到等10-15min位，唔算好耐。門口已經等位時已睇定食咩，所以一坐低就即刻qr code落單。上菜都係等大約10~20min👍， 75min用餐時間其實都足夠。🔅鹹蛋黃魷魚 ($106)一上菜就聞到好香鹹蛋黃味🤤，啱啱炸起熱辣辣🥺。外層包住滿滿既鹹蛋黃，魷魚食落一啲都唔韌🫶🏻，好易咬開。🔅星洲醬油參巴炒蘿蔔糕 ($106)蘿蔔糕外層炸到焦脆，連埋蛋同芽菜，用參巴醬同醬油炒，食落零舍香🤤。雖然價錢少貴，但真係好好食好惹味😍！🔅馬來蝦麵 ($118)早排先食完海南雞所以有啲新意，揀左蝦麵🦐😛。湯底好香，濃而不膩，配有蝦、肉片、流心鴨蛋，配油麵同米粉，份量超多，口感好豐富👍🏻。🔅雞肉沙嗲(6串) ($98)串燒啖啖肉，肉質夠滑，連雞皮烤特別香😍。沙嗲醬都好惹味，唔算好辣😋。💬整體食物相當滿意，特別係兩道小菜好高質😚，連杯茶都特別香(上網搵好似係荔枝古樹紅茶🥺)。同朋友飲左好多杯，茶芥$8都抵🤣。如果坐到最入面望埋海景就無得彈😝。

📌 海南少爺📍 尖沙咀海港城海運大廈地下G16號舖☎️ 21103533★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*自從海港城推出優惠券之後，我都成日去果度食嘢，呢日就去咗Ocean Terminal 果邊嘅海南少爺喇。餐廳環境好舒服雅致，有啲運仔嘅話，坐到靠窗座位仲可享海景，對住ICC 景觀開揚寫意。💫星州醬油參巴炒蘿蔔糕（$106）每件形狀四四方方，一口一件好易食。用帶甜嘅黑醬油同參巴醬，加埋蛋蒜銀芽等爆香去炒，蘿蔔糕食落好香口，甜辣味做到夠平衡。口感外脆內軟，食到停唔到口。💫鹹蛋黃魷魚🦑（$106）上枱好夠熱，分量都唔少，每件魷魚都有滿滿嘅鹹蛋黃包住，炸到金黃色，濃濃嘅鹹蛋香撲鼻，外皮脆香，入面嘅魷魚好滑溜彈牙，值得推介。💫滷水花生雞腳（$58）雞腳炆得好淋，滷水汁夠香又好入味。花生口感啱啱好有少少脆口。伴碟嘅咸酸菜亦好爽口！真心好味！💫海南雞飯🐔🍚拼海鮮喇沙（$138）呢個set 嘅🐔🍚可以揀油飯或白飯，拼海鮮喇沙或者肉骨茶都可以。海南雞俾咗雞胸我，食落啖啖肉，雖則係雞胸，但係肉質都好夠鮮嫩，雞皮唔肥好爽口夠滑，蘸埋個必