Chelsea Garden & Restaurant

营业中

休息中

一如既往朋友聚餐，搵餐廳見到西班牙菜，又覺得好少食西班牙菜就決定試吓呢間。雖然早到咗，但係都唔洗等。建議要book位，入座時睇到有walkin客，waiter話今日滿booking。坐低咗，雖然餐廳唔大得8張4人枱，但係環境舒服，音樂🎶都唔大聲，好怕餐廳音樂好嘈連自己枱講嘢都聽唔到。等人齊期間就叫咗個檸檬藍青口同鹽烤西班牙鬼椒。青口熟度啱啱好，諾曼第汁配麵包，good。鬼椒以為會椒如期名辣死人，食落完全唔辣，椒味濃郁。人齊就叫主食，西班牙海鮮飯海鮮味夠，飯粒偏乾身。跟住個烤乳豬味道野味，不過價格稍貴。仲有個黑松露餛飩，黑松露愛好者要試吓。最後當然唔少得甜品，個提拉米蘇好大份，心太軟個流心做得好好，朱古力濃郁，配個甜橙一流。最後人均500左右，包每人一杯調酒，cp值都幾高ge西班牙餐廳，可以搵日再嚟試埋其他菜。

今年食左好幾餐生日飯，其中以呢間位於佐敦同尖沙咀交界既樓上餐廳印象比較深入到餐廳，俾我第一個感覺就係舒服，枱與枱之間有足夠既空間，唔會太迫。而侍應生亦相當殷勤有禮，未食已經加左分先上場既係鹽烤西班牙鬼椒，之前未食過鬼椒，聽個名仲以為好辣，但食落又唔錯，非常香口，外脆內軟，夠曬開胃黎到西班牙餐廳，點可以唔試辣肉腸。可惜呢個甜洋蔥西班牙辣肉腸就失色左少少，味道一般，而且洋蔥太多，賣相唔太吸引😔😔網上好多人推薦呢間餐廳既海鮮，不過諗住叫海鮮飯，冇理由仲叫海鮮拼盤，所以叫左個藍青口檸檬芫茜諾曼第汁，睇下係咪真係咁好食。諾曼第汁本身同海鮮已經係perfect match，加埋少少檸檬既酸味，味道更豐富。當然主角既青口亦都夠鮮味，值得推薦❤️❤️香辣烤八爪魚烤得好香，食落好爽口，唔會話太靭，而且唔算太辣，對我黎講岩岩好熟我既人都知我喜歡食帶子，當然要試下呢個輕煎北海道帶子伴胡麻冷天使幼麵。帶子煎得岩岩好，面頭金黃色而入面中間仲有少少生，同時食到香味同鮮味，冇得輸。而胡麻配冷麵亦係一個絕配，正😽😽西班牙紅蝦薄片伴牛油果沙律相對之下就失色左少少，可能因為已經食左幾款香口既食物，呢碟菜突然變得冇乜味道，而且

作為球迷對車路士(Chelsea)當然不會陌生，但今次分享的餐廳和英超球隊車路士沒有關係。餐廳離柯士甸/佐敦站都有一段距離，大概要步行10分鐘。環境清雅幽靜，面職不算太大，但亦有露天企位。室內亦掛了不少的水種植物，有種淡淡的自然氛圍，令我稍稍脫離市區煩擾的鬱噪。店員會為你加上黑椒，心急的我立即被新鮮出爐的鬼椒燙了一下，味道獨特，內軟外脆，是非常不錯的開胃菜。今晚叫了SET DINNER前菜的火腿異常香脆，口感類似烤豬肉紙，不過肉味更濃，甜瓜香軟鮮甜，相當不錯。廚師非常貼心的預先切好，供我和太太可以互相分享，牛肉味道濃郁個人較喜歡五成熟，肉質鮮嫩，油脂豐沛，非常的可口。而且分量對大男人的我亦很足夠。伴碟的鮮菜都很新鮮，只有甘荀略硬。我們都很滿意，所以有機會必然會再度幫襯這間餐廳。