新泰東南亞餐廳 (已搬遷) 新店位置

講到食泰國野通常都會諗起九龍城，果度真係好多選擇，但始終交通唔方便，最近就喺灣仔搵到呢間唔錯嘅餐廳，同媽咪、友人黎食晚飯 😊先黎個小食香芒牛油果軟殼蟹卷，呢個配搭好穩陣，食落好清爽，軟殼蟹食落都唔覺熱氣，美中不足係個皮有d硬。媽媽最鍾意燒鱔，肉質爽彈好味道，但我覺得唔好放醬汁上去更好，就咁燒完令個皮脆口d，食嘅時候點醬汁就得。我地好魚，再叫左鹽焗烏頭，火候控制得好好，條魚好滑，魚身入面釀左d香茅，所以食到魚腩嘅部份都唔腥，仲有股清香添，再點少少加左青檸嘅酸辣醬汁，好提鮮！想搵樣飽肚d嘅作結，呢味燒春雞都幾得，雞肉好嫩又唔肥，配埋旁邊酸味味嘅沙律好夾，雞入面仲有香茅黃薑飯，吸左d雞汁好好味，如果乾身少少就更好！呢度差不多每度菜都配一隻醬，而我又覺得唔會食完好口渴，整體食物質素都唔錯，價錢合理，我會再黎~

環境乾淨，裝修雅緻，食物及服務可以，咁仲差啲乜？就係小店風味。當然去啲四正大鋪話要小店風味真係搵嚟攪，但總覺得東南亞食物係食個別小店先有嘅獨有味道。椒鹽軟殼蟹 - 惹味，但蟹身唔夠juicy泰式炸蝦餅 - 夠香口亦有啲蝦味；個汁微辣唔錯~鐵板蠔仔炒蛋 - 蠔仔一啲蠔味都冇；個底浸滿油，麻麻鹽焗烏頭 - 條魚油份唔足可能因為細條吧，冇乜魚嘅鮮甜味甚或油香，一般蒜蓉炒貴妃苗 - 清新菜青味，但女友就係唔喜歡陣青味但仍覺嫩口椰青斑戟 - 清香椰青味，熱辣辣，超煙韌，但面仲有啲啲椰肉爽爽口，讚~後記：大舖仲有個缺點，就係多大伙人去食，所以好X嘈......

與幾個知己共聚，幾個都係嚐辣之人冬天凍冰冰，最好就係食泰國野 係openrice碌碌吓見到灣仔呢間新泰評價不錯 咁岩又係cwb行緊街打黎問左話有位就行過黎一試 因為係入面街所以都比較難搵個位置不過都有優點就係會易搵位同靜d當日黎到都唔多人而座位都闊落，而裝修帶有濃濃的泰國味 我地先叫了小食－蛹蝦炸得香脆可口點著酸酸辣辣的汁別有一番風味 而蝦的炸了後鮮味都仲係度 十分香口雖則女仔驚食炸野但都不顧了，美食當前，大家都即刻食返舊之後就叫左個鹽焗烏頭驚喜菜式鹽焗烏頭魚好鮮甜，質感亦都好滑驚喜在唔會太鹹但就食到點點的鹽味配合得極好抵讚 見到有人係到推介麵包焗咖喱軟殼蟹即刻叫左 仲要話加辣！覺得無想像咁辣但咖喱味好出亦都唔會太大陣椰子味麵包的確軟熟 軟殼蟹好香好脆我地仲叫左飯  但原來個麵包好頂胃最後都食唔曬 我自己就叫左菠蘿沙冰其實我好驚d菠蘿味好假但飲得出佢係真。菠蘿汁唔會太酸亦都唔會太甜冰沙亦磨得岩岩好 唔會太水唔會太大粒好好飲絕對推介 最後我地仲叫左個甜品－南瓜布丁好少係泰國餐廳見到有南瓜布丁所以就叫左賣相好好而布丁好滑，配著淡淡的南瓜味有趣ge係，布丁