燒肉の殿堂

营业中

休息中

去開銅鑼灣，又想食好西，掛住日本嘅燒肉🥩於是揀了呢間好多好評嘅《燒肉の殿堂》-厚牛舌肉質鮮嫩多汁，牛味滿滿，而且唔韌-蔥山薄牛舌職員話原來係廚師用人手薄切，所以比其他餐廳食到嘅，口感更柔軟，搭配蔥的香氣和調味料的香辣味，必食-A5肩胛赤身 肉質鮮嫩，油脂豐富- 鹽蒜小牛排取自牛隻的前胸肋骨部位，經過煎烤後，表面煎至金黃酥脆，內部保持了嫩嫩多汁的口感。鹽和蒜的調味提升了牛肉的鮮味，香味濃郁- 薄豬腩豬腩肉的脂肪和瘦肉相間，經過烤制後，脂肪融化，香口美味- 刺身和牛他他高質和牛配上日本蛋黃，令口感更加香滑。將紫菜輕輕在爐上香烤，再包裹牛肉他他一併食用，入口即溶，味道同吞拿魚腩蓉有幾分相似，超美味😋- 殿堂玉子飯紫菜、日本蛋黃、青蔥、飯素等撈飯，配埋美味的燒肉，滿滿的飽足感- 飲品點了《古早冰菠蘿柚子蘇打》 和《蜜桃成熟時》特飲，將冰菠蘿串🍍放落柚子梳打；香甜的蜜桃梳打，兩杯特飲都好飲又解暑🧊- 鹽蒜元貝新鮮的元貝，搭配鹽和蒜的調味料職員幫手燒左兩隻，味道鮮美仲可以加錢upgrade 無限放題

Eattobefit.hk呢間燒肉嘅性價比都幾高，價錢算平，而且餐廳仲做緊宵夜時段20:30燒肉大割引，低至$20起🤩 午市16:00前離座，單點食品亦都有7折！另外，餐慶祝一周年感謝祭，只要享用一期一會、九品盛、大阪城盛合，就可以加$98任食元貝放題😋💪🏻 A5肩胛特選、肩胛赤身($88)A5和牛嘅肩胛肉油脂分佈好平均，外觀好靚！赤身相對薄身啲，特選就厚肉啲，但兩者食落都牛味香濃，油香突出🤤 而且肩胛特選肉質勁淋，，入口軟滑😋💪🏻 鹽蒜小牛排 ($78)小牛排份量充足，肉質淋，油份十足🤪，而且加上蒜蓉醬，令到燒肉有另一種食法！💪🏻 厚牛舌、蔥山薄牛舌 ($78、$68)牛舌切得好厚身，而薄牛舌都切得好大塊😚 牛舌嘅質感厚實，食落好煙靭！💪🏻 薄豬腩 ($48)薄豬腩油份同樣充足，肉質淋，而且有加上味噌汁令道個味道更香！💪🏻 鹽蒜元貝 ($96)元貝大大隻，食落新鮮！而且上面鋪滿咗蒜鹽，蒜香味十足🤤而且燒嘅時候水份同油份充滿，唔會燒到乾晒，食落保持到濕潤！💪🏻 殿堂玉子飯 ($46)玉子飯除咗有半熟溫泉蛋，仲有紫菜、香蔥同日式飯素，再加埋燒完後滿滿油香嘅牛肉一齊食，味道一流😍💪🏻 白雪

鐘意食日式燒肉既我一早bookmark左呢間燒肉店😎。餐廳唔算好大，好乾淨企理，唔會痴立立👍🏻。2人枱都夠位擺野，醬汁、鉸剪、濕紙巾等一應俱全。用qr code落單，有晒圖有埋文字描述，好detail好抵讚🥺。🔅大阪城 和牛五點盛合 ($358)呢個打卡大阪城真係必叫😎，有和牛五花、三角、牛小排、和牛磚同牛舌。最推薦牛舌真係好出色，一啲都唔韌，夠爽口好嫩🤤。和牛脂肪比例高，夠晒邪惡😈。雖然有少少筋，但用鉸剪剪細舊啲都食到，仲幾爽口tim 😝。🔅牛油鹽蒜元貝(2隻) ($64)扇貝都算大粒，牛油唔算好多食落無咁膩，加左蒜蓉同少少蔥已經夠晒味😋。🔅鹽蒜小牛排 ($92)呢款肉味濃啲，加左蒜蓉食落好香😋。店員有貼心提醒燒完先撥返蒜蓉去牛到，無咁易燒燶👍🏻。🔅檸檬利賓納蘇打 ($32)🔅雜果賓治 ($32)💬平時比較少食單點既燒肉，今次試完都夠滿足我個大胃☺️。

見到銅鑼灣又有新嘅燒肉，擺盤幾靚仔。最鍾意食燒肉嘅我收工當然去試吓。刺生生牛肉他他：食法創新又特別，可以自己選擇落咩配料朋友唔食蔥就啱晒。生牛肉他他上邊有日本蛋、三文魚籽、京蔥，青松青檸、岩鹽同埋Wasabi😍我嘅食法係全部溝埋一齊。店員教我地首先要將紫菜喺火上面燒一燒，咁樣會更加脆口好味。我最期待嘅大阪城五點，入邊有幾款唔同嘅和牛超抵食三百幾蚊兩個人分享，另外仲有超大件牛舌，厚厚切yummy 和牛肋條勁有驚喜，再加埋超爆油脂既A4鹿兒島牛肉。蔥月見燒和牛薄切，用上日本和牛三筋位置。燒完之後點埋蔥好好味。另外點左薄切蔥山牛舌，發覺我哋真係超級鍾意食牛舌鹽蒜小牛排、牛味勁濃而且醬汁配搭得唔錯，蒜頭同埋鹽既配搭令到牛嘅味道更加昇華。