哥哥添飯•妹妹泡茶

营业中

休息中

白色木系裝潢比人温柔感覺，同朋友聚會傾計都好岩😝主食加 $10 升級定三小碟同青菜，三小碟有花生魚乾、醃漬物同苦瓜。三小碟夠開胃，最推薦苦瓜，唔會太苦，反而有種甘味。青菜有兩款選擇: 杞子 / 魯肉，個人偏向杞子，清清地，又帶杞子既甜味。送既兩粒泡芺有驚喜! 一黑一白，一咬爆漿，細細粒都奶味十足! 個人更中意朱古力味!🔸鹽酥脆炸雞拼魯肉飯 $108貼心地提供膠手套，比客人可以盡情拎著炸雞食。比左雞胸同大雞翼位，炸雞外皮超脆，再沈上胡椒鹽粉，好邪惡，好在有椰菜絲沙律中和翻，咁就食多件都唔怕!魯肉飯係每次食台灣菜必叫! 白飯粒粒圓潤，入口就鬆散開，夾埋入口即溶既魯肥肉，送飯一流，但魯肉汁可以比多啲就好🥹（我有啲貪心）🔸台風三杯醬燒豬肋骨配薯條 $148豬肋骨份量多，兩人share 食都好夠，一咬就可以骨肉分離，唔會好韌。三杯醬包滿成舊骨，味道較濃，配啲澱粉質，好似薯條就岩。甜品方面首推手工芋圓! 芋圓係自家製，比坊間既大粒，食得出原材料味道。但每碗都幾足料大份，食得超飽!🔸芒芒甘露芋圓豆花配 $46材料豐富，芒果同柚子食落酸酸甜甜，大粒西米有咬口。🔸黑白配珍珠豆花仙草牛牛 $40珍珠堙韌，

去觀塘接個朋友收工，佢帶咗我去食創紀之城一期樓下嘅新餐廳 — 哥哥添飯•妹妹泡茶。個餐廳名夠曬特別，裝修好文青，原來係台式fusion餐廳！岩鹽咸豬肉拼皮蛋醬生菜包 配蒸刈包（$108）一塊塊咸豬我配上非常特別嘅皮蛋醬，夾係軟香刈包入面食又得，夾係爽口新鮮生菜入面食都得，自己DIY配搭別有一番風味！鹽酥脆炸雞拼魯肉飯（$108）份量幾大，我哋揀咗唔辣嘅鹽酥脆炸雞，竟然有成半隻，炸到好酥脆嘅雞髀同雞全翼各一件，同油香十足嘅台式魯肉飯超夾，仲有椰菜絲沙律，可以去除炸物嘅油膩又清爽！升級時令前菜三小碟＋滷肉青菜/杞子燙青菜＋小甜品（+$10）今日嘅前菜有蒜片花生、甜苦瓜同漬物，個人好推薦杞子燙青菜，口味清淡但淡淡杞子香！小甜品就係朱古力同忌廉泡芙！起司肉鬆蛋餅（$42）正常發揮，煎得夠熱芝士半融，蛋餅上面有沙律醬同茄汁，口味偏甜。薰衣草芒果烏龍（+$25）用咗好靚嘅高身玻璃雕刻杯，好啱打卡，烏龍茶入面有一大片葡萄柚，茶香但唔苦，飲落幾清新，加上薰衣草香氣，有種寧神放鬆嘅感覺！乳酪芝芝蘆薈巨峰（+$38）最上面係較為輕身嘅芝士奶蓋，帶有淡淡乳酪嘅酸，同埋勁多蘆薈，超滿足！

公司在觀塘，我當然對觀塘的餐廳略懂一二😁，今晚到哥哥添飯•妹妹泡茶，位於觀塘觀塘道388號創紀之城一期地下6號舖。 餐廳主打台式料理🥢， 店內充滿文青風格，晚餐🥢 ～ 水蜜桃果粒愛玉$25、乳酪芝芝巨峰$38、鹽酥脆炸雞拼魯肉飯$108、升級定食三小碟+滷肉青菜$10、岩鹽咸豬肉拼皮蛋醬生菜包$108、升級定食三小碟+杞子青菜$10。 ▫️水蜜桃果粒愛玉🍹 ～ 賣相靚，飲落滿滿果粒，很甜美。 ▫️乳酪芝芝巨峰🧋 ～ 芝士奶蓋和乳酪兩者味道好夾， 巨峰提子入口清新又香甜。 ▫️鹽酥脆炸雞拼魯肉飯🍱、升級定食三小碟+滷肉青菜🥗 ～ 魯肉飯肥瘦適中， 滿滿油香， 肉碎與白飯的比例剛剛好。 鹽酥脆炸雞香脆可口， 非常鬆化， 雞肉嫩滑。 另外有三款前菜和滷肉青菜， 只需跟餐加$10。 ▫️岩鹽咸豬肉拼皮蛋醬生菜包🌮、升級定食三小碟+杞子青菜 ～ 咸豬肉跟岩鹽板上， 配上皮蛋醬、生菜和蒸刈包， 可以因應自己的喜愛作不同配搭， 我就喜歡加大量皮蛋醬， 特別惹味。 喜歡食台灣菜的朋友， 可以一試😁。🏷️溫馨提示～ 整個用餐體驗均屬個人分享意見， 只作參考😊。