度小月 (V Walk) (已結業)

三年前喺台北食過度小月，佢哋喺台北已經唔係一間小店而係一間大品牌的餐廳，仲記得佢哋出名嘅係肉燥飯同擔仔麵佢嚟咗香港咁耐之後都未食過一次，記得佢哋啱啱開嘅時候係要勁排隊的，同埋個價錢都不是非常吸引，今日中午有時間去咗試吓，個結果比我想像中好好多去咗南昌站VWalk分店，環境非常好，非常乾淨，啲同事招呼好好及好有禮貌，食物也很不錯🤩🤩今日叫咗一個蔥油雞飯套餐，一碗擔仔麵，一碗肉燥飯，小食鹽酥雞，再加多隻滷鴨蛋，一杯珍珠奶茶👏🏻👏🏻盛為$254最後結果係絕對可以再食可以再幫襯👍🏻👍🏻

呢間餐廳個名小弟一早已經聽過好多次，幾年前曾經諗住試吓，點知排晒大隊，所以一直都冇食過。呢日同朋友嚟開新商場，見唔使排隊就決定試吓！鹽酥雞一上枱簡直係失望首先份量少得可憐之餘每粒鹽酥雞都好細粒，有啲亦都只係一舊炸粉，食食吓會懷疑自己究竟係食緊雞定係食緊炸粉 $68 叫碟炸粉？呢個黃金蝦卷雖然有六大嚿，但係同鹽酥雞一樣，炸粉實在太厚！而且仲好油膩！食到最後小弟簡直想放棄呢個烤香腸份量都係好少，但係同佢伴碟嘅蒜頭一齊食原來都唔錯！呢個可以一試。呢個烏魚子炒飯價值$108 ，但係小弟就覺得佢同一般炒飯冇乜分別。不過味道都唔錯！總括來講，呢間餐廳食物嘅份量都係偏少，而且價錢仲唔平。食完之後小弟都唔明白點解之前佢人氣咁高企試完呢次就算了！

我地一家大小都鐘意食香口野!所以台灣野真係好岩我地胃口!新開呢間有樣好, 就係可以用佢地商場既手機app黎拎定位先!所以黎到睇左一陣好快就有位喇~~因為家中有大有細, 所以拎定位先可以方便我地預好d時間出門口好, 都係講返餐dinner先今次只係得4個人食~叫左6樣野!坐底叫左個 羹暖下個胃先!咸咸地好台灣FEEL好唔錯~~為左食香口野, 所以我地都點左兩道健康D既野~1. 和風秋葵2. 櫻花蝦高麗菜近年香港愈黎愈多人食秋葵貪佢夠健康~~櫻花蝦高麗菜又係特別既配搭~其實睇名都已經知道會好食!食台灣野又點少得 <肉燥飯> 呢!每次食飯都一定要有少少飯/麵落肚先滿足家嘛~一開始已經講緊香口野, 又點少得炸野呢!!柯仔酥 - 每次食台灣野都係必點之一唔知點解, 可能係對台灣既情義結啦\鹽酥雞 - 其實呢味都係台灣野必點之二真係太signature了!新開, 上菜都我地想像中順暢唔錯!遲d再encore~~