Shari Shari Kakigori House 氷屋 (已搬遷) 新店位置

Shari Shari 由 PMQ 搬咗黎希雲街紮根，自此呢條街應該又會再熱鬧啲！刨冰口味選擇都幾多，身為紫薯控當然要試紫薯刨冰。鹿兒島紫薯日式刨冰 ($55) 刨冰綿密幼細，入口即溶，入口絕對無大塊冰粒，刨冰相當唔錯。刨冰上面同中間都淋咗紫薯糖漿，所以唔會食到中間就無味。紫薯味輕輕被甜味蓋過，但我明白因為刨冰本身無味，要靠糖漿去調味。整體黎講係非常唔錯嘅刨冰，下次會黎食埋抹茶味。