紅葉茶屋 (黃金海岸商場)

营业中

休息中

趁住周未黎黃金海岸行大運！依頭帶少少異國風情，加少少幻想力就當自己去左旅行！除左半露天既西餐廳外，仲發現到日本鎌倉人氣茶屋開左新分店。身為日本控諗都無諗就入左去食！餐廳裝潢走和風簡約木色設計，牆身有掛畫，位環境舒適。MENU所有相都影得好吸睛，食物種類多。有熱食、刺身飯、拉麵、芭菲、抹茶提拉米蘇、窩夫等。▪️見餐廳支援Openrice Pay，打算試下。唔知係咪太新，餐廳職員好似唔知咩黎，話無😂最後以信用卡付款，無優惠🥲▪️＊－。－。－。－。－。－。－。－。－。－＊🔸鹿兒島黑毛一口和牛定食 $148肉定食和丼放係MENU比較前位置，相信都係主打之一。定食都有跟湯、兩款配菜、白飯(免費添加)。和牛粒脂肪豐富，肉質柔軟，牛味重夠鑊氣。再配份炒野菜，好豐富。＊－。－。－。－。－。－。－。－。－。－＊🔸豪華海鮮丼茶漬飯 $168有三文魚、吞拿魚、甘蝦、帶子、三文魚籽。刺身新鮮，賣相好吸引！職員上菜時附上茶漬飯指引食法作參考。方法1️⃣直接刺身飯咁食，加上醬油同WASABI，原汁原味。方法2️⃣將適量刺身放入細碗仔，加入熱湯食，比較暖胃。我揀左蝦湯，有香濃海鮮味，湯亦都夠熱。另有鏗魚昆布湯。＊－。－。－。－

今日無野好做就搭新巴士線A33由屋企到屯門轉車站再行返屋企.行左廿幾分鐘到黃金海岸商場,因為未食晏所以就去睇下有乜好食.睇開飯見呢間是新開,我就拎張飛等....點知一等就等了60分鐘...餓到呢...等位時已經諗定食乜, 呢個係鹿兒島黑毛一口和牛定食$148, 和牛份量唔多, 我講明要全熟, 肉質唔會整到好鞋,肉有微牛味,但呢款牛唔算是特別好食,似一般牛肉, 汁醬是酸酸味味, 配料有煮冬瓜和雜菜絲。定食的飯可以添,可是飯粒好乾硬,唔知係落水少定係米的質素, 因為肚餓就添飯, 添個都是一樣乾硬.碗湯就反而幾好味.飲品叫了百香果茶,少甜,味道清甜,有好多百香果籽,夠解渴.心思思食芭飛定新地,但聽到其他枱追甜品,職員詬甜品多單要等,我見都差唔多要返屋企所以轉呔叫最簡單的軟雪糕。期間限定是夕張蜜瓜味,另一邊是牛奶味, 不過兩種味都唔濃香,好普通, 雪糕質感好水仲食到有微冰碎.得個筒最好食...  屯門區少有呢類日式CAFE,如果下次黎開黃金海岸都會再去呢間, 試其他野.