麗莎餐廳

营业中

休息中

與同事兼老友齊齊爆假，就約了一起飲完早茶，下午去打羽毛球。你一板、我一板，把平日在工作上的不滿盡情發洩，這個羽毛球就仿佛已成為我們平日吹毛求疵的上司，被拍打得上飛下落，毛翼四散。在佐敦區有體育館更有多類型食肆，出了身汗就去揾美食。在白加士街有一間看似茶餐廳但門面又中高級檔次的食店~麗莎餐廳，門口宣傳有多項主打小菜:魚鍋、雞煲等巧手食物，不作他想就入店享用。我們選了BB級的麻辣一品雞煲套餐再加招牌黃加蝦，飲品揀特飲：椰汁紅荳涼粉冰。真的很豐富，雞煲套餐已包兩碗例湯及白飯，例湯料足無味精，老友大讚白飯是粒粒分明的靚絲苗，雞煲連火爐上，香味四溢，雞肉嫩滑。一定要用多些篇幅分享這碟 "招牌黃加蝦"，全隻大蝦外層淘滿咸蛋黃，金黃味香，邪惡至極，但真的是魔鬼充滿誘惑，就由我們去會一會吧！兩人愉快一餐，明天又再愉快工作

唔係第一次食麗莎餐廳，平時啲常餐同炒嘢都唔錯，見佢雞煲都幾抵就決定試一試🤤🐔 麻辣一品雞煲 （$188)餐廳用瓦煲，上菜時都仲可以保持熱度。雞件炒之前走過油所以有外脆感覺同保留到肉味，加埋惹味雞煲醬食到停唔到口，比起出面嘅雞煲相對乾身啲。配料炒得好香，食落係感覺偏辣，但對食得辣嘅我哋嚟講，就幾過癮👍🏻🐟 薑蔥爆魚卜煲 ($108)呢道菜比較少喺出面搵到，通常都係食魚腩，所以見到都嗌嚟試吓。魚卜冇腥味有咬口，加上吸咗配料嘅味道，搭埋洋蔥同蔥送飯，味道一流。加分位係個煲，就算上菜一段時間仲保持到熱度，啲味道先更香更出。🧋 奶茶+紅豆 & 椰汁+涼粉 $26每杯(跟餐特飲)飲品可以自由配搭，味道配合得幾好，奶茶底夠香，椰汁底甜甜地，紅豆同涼粉增加咬口。而家雞煲風氣盛行，唔同地方都有自己處理方式，今次茶餐廳炒嘢功底，將雞件爆得好香，鑊氣好夠～都算係呢間嘅特色嚟😛