金記小食酸辣粉

营业中

休息中

餐廳：金記小食酸辣粉地點：太子汝州街19-25號英來大廈地舖（太子站D出口約100米）菜式：川式外賣店餐牌：酸辣粉，多款小食招牌酸辣粉 $27招牌酸辣粉價錢$27，可以逐樣餸逐樣餸加，豐儉由人。個粉係薯粉，極度煙韌滑溜，可轉米綫可加菜。配有香脆花生，榨菜，芫荽同肉碎。可選辣度，我叫左小辣，食到我出左身汗，兩行鼻涕都出晒黎。麻辣燙 麻辣燙可以加$10加薯粉，米綫或者麵。配有芫荽。味道都頗麻同辣。其他料我加左：木耳 $8 爽脆海帶 $8 爽脆娃娃菜 $9 一大條，都好嫩口魚蛋 $11 有三粒，較爲實墨魚丸 $11 有三粒，都係較實碗仔翅 $22呢個係小碗，係一隻正常外賣飯碗。個翅夠杰身，味道唔錯。中間仲飲到醋味。好足料，食到唔少冬菇同雞絲。最佳搭配 $30呢個都係小碗。最佳搭配其實包括白蘿蔔，豬紅，韭菜同大腸。豬紅有5件左右，好爽脆。韭菜非常香嫩，好味道。大腸有8件左右，好淋。白蘿蔔墊底有三大件。呢個小食就唔算太辣啦。食物即叫即整，唔洗等好耐就有。平日午餐時份都有唔少客仔叫酸辣粉。

自從有返堂食，大胃好少掃街咁，但掃街掃返屋企，都係有種樂趣喺當中，太子有間小食店，種類有好多，大份夾抵食寫住招牌嘅菜式，大胃好想一試酸辣粉又辣又酸，刺激得嚟又開胃，薯粉好粗好滑豬紅唔會嚡，同樣滑溜蘿蔔索晒啲酸辣精華，又正又juicy肥腸洗到白𠽌𠽌，乾淨先索到酸辣香麻辣燙係食辣嘅另一種體驗，當然加薯粉令件事更刺激因為佢地啲薯粉好彈好掛汁麻辣湯底浸腸仔，大胃未食過，其實又幾夾芝士丸一咬拉絲，香濃好襯麻辣嘅食法木耳同海帶索汁就梗㗎喇，口感仍然好爽除咗辣嘢，呢度都有賣港式小食，魚蛋滴滴骰骰咁，保持彈牙質感。燒賣大大粒又實淨，唔會發到泡。腸粉撈醬會成癮，滑身彈牙唔會糊一碗牛雜有齊牛腩、牛腸、牛肚、牛肺同蘿蔔，啲料洗得好乾淨，湯底夠香，煲到啲肉同蘿蔔入晒味，肉剪得夠細，一小口一小口咁細味肉香

阿妹係酸辣粉控，今日帶佢黎呢間試下，好近太子地鐵站呢間其實唔止賣酸辣粉㗎原來，仲有地道港式小食：好似燒賣、魚蛋、腸粉同生菜魚肉，都真係梗有幾款啱你食❤️重慶酸辣粉有曬基本材料：花生、香茜、香芹薯粉好入味，好煙韌，整體辣度夠正宗，唔會辣到食唔到❤️麻辣燙材料揀左：腸仔、墨魚丸、貢丸、黑木耳、娃娃菜、脆皮腸，另外+左米線腸仔同脆皮腸食落似係靚牌腸仔，有食開嗰陣除😆😆，花枝丸唔係一舊粉，係有花枝粒㗎！腸類、丸類都𠝹曬花，好心機！黑木耳，喺我哋等緊攞外賣既時候，見到後排廚房係用緊「樓x」牌黑木耳，可見小店用料用心！米線，可謂係我的最愛😆😆口感煮得爽彈，我好喜歡呢個硬度！阿妹話同佢喺重慶時食既口感一樣，咁真係好地道呀！小食：❤️牛雜（細）-食得出牛內臟整得好乾淨！白蘿蔔無渣，夠腍又索汁，好食❤️韭菜豬紅豬大腸-屋企人話呢個韭菜好新鮮，豬紅無臭味，而且加埋脆皮白豬腸，呢個配搭好新鮮呢間店雖然無左立食區，而家只做外賣，但整體感覺呢間小店係用心地家庭式經營，所有食物都係即叫即整（飲品除外😆😆），所以好新鮮！我地攞完外賣過返海食都溫度同新鮮度保持到水準！