銘興山西刀削麵 (黃埔新邨) (已結業)

難得黎到紅磡咁多抵食小店，而且我同男朋友都係粉麵星人🤣，就梗係要試呢間長期排長龍既刀削麵喇🥳！好好彩咁岩去到堂食有位，仲有好多人係出面等緊外賣🫣推薦指數：🐷🐷🐷🐷（5分滿分）（原因：份量足，平價又惹味）麻辣豬軟骨刀削麵 𝐇𝐊𝐃 47份量真心大，三大舊豬軟骨煮得勁稔🤩，軟骨一咬就爛，好入味，不愧係必食既豬軟骨👍🏻👍🏻！我地都係叫小辣，辣度都偏辣喔🌶️，無辣不歡既我食得好爽😆，男朋友就好快已經飲左半杯奶茶解辣🤣麻辣豬頸肉刀削麵 𝐇𝐊𝐃 52豬頸肉都整得好香，邊邊煎到有小小焦香，但我私心推薦都係豬軟骨更正🥰！刀削麵煮得較稔好入口，彈牙滑身😋！涼拌海蜇 𝐇𝐊𝐃 42鋪到滿滿既青瓜絲，加上爽口海蜇，酸辣清爽，42蚊黎講份量真係唔小！凍檸茶 & 凍奶茶 + $3 each環境：超級細間，背脊貼背脊咁濟😂基本上一定要搭枱，好彩有塊板擋住，冇咁尷尬🙈P.S. 每樣都芫茜巨多，唔食芫茜既記得同姐姐講要走青🥹

本人對刀削麵興趣不大，但經過幾次都見到好多人排隊，就決定去試下。一去到，門口企左好多人，諗住有排等，但原來係等外賣，最後一張枱就比左我地坐左，Lucky!舖頭裡面有點熱，幸好我地係坐近門口張枱餐牌好多選擇好似花多眼亂，但實質係個十幾款餸配唔同麵底。每款都可以揀辣度，佢辣唔係在碗湯內，係個 餸 辣！可能每個餸要整唔同辣度太花時間，都等左好耐好耐先有得食 (一路食，都 keep 住有唔同枱既人追)辣度：叫左小辣，唔算好辣，接受到，我諗下次可以食辣 d麵質：刀削麵，好薄，沒有一咬落口就成口麵粉的感覺，有點似台灣麵，係我鍾意食既感覺，重新對刀削麵改觀豬軟骨比我想像中冧個醬好香，不會太乾，如果唔鍾意食湯麵，可以揀呢個新鮮即炸，脆的，但味道沒什麼驚喜