影片
更多
2020-10-06
792 浏览
之前幫襯成業工業大廈嘅上海麵店，期間店員們順勢推介隔離新開店「細味館」，有雞煲可以外賣自取🥡。我拎咗張傳單睇睇，見新開張有88折優惠，打電話問發現中秋連假佢都開，就一於試下，等阿媽唔駛煮。店舖毫不起眼，帶有神秘感👀，因為其實佢主要做外賣，午市有飯盒同燉湯，夜晚就賣重慶口味小食同雞煲豬手煲等菜式。由於電話落咗單☎️，所以去到無耐就有得拎。我仲見住美女廚神即刻煮添，席間男老闆都幾好人，吹咗兩句水。我同佢講一入舖就聞到好香麻辣味，佢話佢可能聞慣咗唔覺，笑死我🤣。重慶麻辣雞煲($178/半隻雞)，首先唔好睇佢個器皿好似好細，其實份量係唔少㗎，一定足半隻雞，只係隻雞仔就應該細隻啲🐔，唔算太好肉。雞煲嘅麻辣口味好正宗，辣度有得揀，我要咗少辣🌶。一開始都覺得自己食到吖、OK嘅，但愈食就感覺到要嚟料，後尾發現自己成餐飲咗一公斤冰茶...哈哈。不過隻辣唔會令到你個口踵咗食唔到，係可以一直食落去，但係就係咁麻痺流口水🤤。但我略嫌辣椒籽或乾椒碎多咗少少，會痴住上顎。雞件以外，仲落咗唔少配料一齊煮，包括大量蒜頭、紅蔥頭同洋蔥等，其中豆卜更索哂所有精華，但後期我驚太辣無再食🙈。我哋自己喺屋企加咗生菜索汁，其實食完
店舖毫不起眼，帶有神秘感👀，因為其實佢主要做外賣，午市有飯盒同燉湯，夜晚就賣重慶口味小食同雞煲豬手煲等菜式。
由於電話落咗單☎️，所以去到無耐就有得拎。我仲見住美女廚神即刻煮添，席間男老闆都幾好人，吹咗兩句水。我同佢講一入舖就聞到好香麻辣味，佢話佢可能聞慣咗唔覺，笑死我🤣。
重慶麻辣雞煲($178/半隻雞)，首先唔好睇佢個器皿好似好細，其實份量係唔少㗎，一定足半隻雞，只係隻雞仔就應該細隻啲🐔，唔算太好肉。
重慶麻辣雞煲
$178
11 浏览
0 赞好
0 留言
雞件以外，仲落咗唔少配料一齊煮，包括大量蒜頭、紅蔥頭同洋蔥等，其中豆卜更索哂所有精華，但後期我驚太辣無再食🙈。
我哋自己喺屋企加咗生菜索汁，其實食完雞煲加湯應該係可以變打邊爐🍲，但今晚有其他餸所以就咁食算～。餐廳都有賣埋火鍋配料㗎！
店主教路喺屋企將雞煲煮番熱，最好就係用砂窩Gas爐🔥，用不鏽鋼煲就會收乾哂啲汁。另外，如果放配料就唔好一次過落哂，因為愈食先愈入味！
麻辣金皮蛋
$18
7 浏览
0 赞好
0 留言
金皮蛋個樣吸引好多，可能外國人都即刻無咁驚驚！皮蛋溏心效果一流，蛋白位置就幾彈牙。麻辣椒粒好惹味，同雞煲種辣唔同，紅綠燈椒切粒，帶有鹹香，正😋。
總括嚟講，工廈臥虎藏龍，估唔到有正宗重慶麻辣雞煲賣，好食得嚟唔會令你口乾，因為無落味精😉。有機會都可以再幫襯，希望遲啲有更多菜式！
张贴
