小胖台灣便當 (德立大廈)

营业中

休息中

外勤工作,lunch係尖沙咀覓食, 無咩頭緒之下係加連威老道個十字路口,望高頭見到個好得意嘅logo 公仔同埋大大個字寫住小胖台灣便當,好啦,唔諗咁多就行上去試吓！ 樓上餐廳面積空間非常闊落, 座位寛敞,裝修親民簡單。店家以台灣便當和台灣小食做主打,款式十分多,午市套餐,一個主食+一個小食+一款飲品,都係$78, 價錢都幾親民呀！ 🔮麻辣鴨血肉燥寬粉舖上台就聞到陣陣的麻辣香,鴨血每片都頗大塊,又滑lulu, 我點咗微辣的麻辣湯底,味道剛剛好,啱哂我呢d唔係好食到辣嘢的朋友 ,寬粉Q彈有嚼口,而且份量都真係好多呀！ 🔮三杯蜜汁烤雞扒便當塊雞扒大到佔咗整個碗面,醃得入味之餘,即使厚切一樣超級juicy , 先煎後烤, 微辣帶甜又香口, 秘製三杯蜜汁又好下飯,伴菜餐還有香甜粟米粒,紅蘿蔔,木耳和青菜,真係淨食餸都飽呀！ 🔮懷念鹽酥雞大大粒,好有台灣家鄉味！ 雞腿肉嫩清彈牙又juicy, 外脆內嫩！還有九層塔脆片伴碟,更加香口！🔮五味拌醬茄子拌醬嘅味道十分惹味, 酸酸咸咸又帶甜,都幾醒胃呀！ 

🦆🍜麻辣鴨血肉燥寬粉估唔到一碗60幾蚊嘅寬粉，竟然可以有5嚿大大嚿嘅鴨血！！ 5件鴨血已經有半個碗咁多，鴨血Q彈嫩滑，仲有鴨騷香味，認真勁抵食‼️麻辣湯底唔算係好辣，食到正常辣度嘅就已經可以放心叫（利申：譚仔食到三小辣）🌶️🌶️🌶️，如果食得辣，仲可以加多羹辣椒油，成個粉就會好好味，另外湯底有肉燥，整體就豐富咗好多，撈埋啲吸味既寬粉，好惹味！💓鹽蒜四季豆   套餐加配叫一個主食，就可以加$14要一個小食，咁抵食梗係唔執輸啦！👀🥰 四季豆上面鋪滿好多鹽蒜，撈埋一齊食，食落有鑊氣，雖然係油炸，食到底都唔見有油，出色！🍹珍珠冬瓜茶   套餐加配呢度嘅主食，本身已經包一杯飲品，如果大家想飲台灣嘅手搖飲品，只要加$6就可以，非常抵飲！珍珠煙韌大粒，好有口感，冬瓜茶解辣一流，飲一啖即刻好掛住台灣！👀🥰🥰仲未攞到假去台灣嘅朋友，仲唔快啲去試吓！🐮南投紅燒牛腩（麻辣湯）麻辣湯底真係有麻辣，唔係就咁死辣！然後牛腩超入味，仲要炆到好冧，入口即溶咁，要encore! 另外我幾欣賞呢度嘅牛腩同埋麵係分開上，減少咗麵條嘅油膩感，細心位值得加分！👍🏻👍🏻🐔懷念鹽酥雞 套餐加配 新鮮炸起嘅鹽酥雞，熱辣辣，賣相好睇，仲好好食