影片
更多
2018-07-03
1184 浏览
隨着長沙灣嘅蘇屋邨落成，呢頭嘅保安道、順寧道一帶開始多咗啲變化，第一樣明顯喺多咗啲食肆進駐。因為好幾個親友都喺住附近，所以，久唔久都會嚟開呢頭，見有家新餐廳「正」賣麵、茶、雲吞，順道探開親友後好奇嚟試試。雖然餐廳位處細街，但小弟對呢區熟，話都無咁易由長沙灣站行到去。小店格局，一張長格，一張大方枱，仲有啲挨住開放式廚房嘅吧位，裝修簡潔，牆上掛有唔少食物相。由於餐牌勁反光，影完出嚟都睇唔清所有菜式，好在門口有啲單張攞，索性掃描後貼出嚟快靚正，有啲咩食就一清二楚，唔使再多講。溏心雞蛋 $9小食都有唔少選擇，不過，得一支公，唔敢多叫，所以，就點一客溏心蛋嚟試試。雖然只喺蛋一隻，都墊墊椰菜，放片蕃茜、糝啲芝麻做裝飾。隻蛋做得有水準喎，蛋黃半凝半黏，滑溜而富蛋香，好食。麻醬青瓜雞絲冷麵 $36原打算食佢哋啲雲吞湯麵，話晒店家打正旗號賣雲吞，但因為外面鬼打咁熱，又見到有款夏日限定嘅冷麵，所以，好似鬼揞眼咁揀咗道冷麵。整體嚟講，其實個冷麵唔差，睇賣相，夠晒大碗（食完真喺幾飽吓），又多雞絲，下面仲放咗大量青瓜絲，入口涼涼哋，又夠爽，啲雞絲睇得出喺手撕，質感挺嫩滑。唯個人覺得個麻醬未夠香，而麵條就有少少偏
雖然餐廳位處細街，但小弟對呢區熟，話都無咁易由長沙灣站行到去。小店格局，一張長格，一張大方枱，仲有啲挨住開放式廚房嘅吧位，裝修簡潔，牆上掛有唔少食物相。
由於餐牌勁反光，影完出嚟都睇唔清所有菜式，好在門口有啲單張攞，索性掃描後貼出嚟快靚正，有啲咩食就一清二楚，唔使再多講。
溏心雞蛋 $9小食都有唔少選擇，不過，得一支公，唔敢多叫，所以，就點一客溏心蛋嚟試試。雖然只喺蛋一隻，都墊墊椰菜，放片蕃茜、糝啲芝麻做裝飾。隻蛋做得有水準喎，蛋黃半凝半黏，滑溜而富蛋香，好食。
麻醬青瓜雞絲冷麵 $36原打算食佢哋啲雲吞湯麵，話晒店家打正旗號賣雲吞，但因為外面鬼打咁熱，又見到有款夏日限定嘅冷麵，所以，好似鬼揞眼咁揀咗道冷麵。
整體嚟講，其實個冷麵唔差，睇賣相，夠晒大碗（食完真喺幾飽吓），又多雞絲，下面仲放咗大量青瓜絲，入口涼涼哋，又夠爽，啲雞絲睇得出喺手撕，質感挺嫩滑。唯個人覺得個麻醬未夠香，而麵條就有少少偏軟，挺身多番啲咬口就無得彈喇！
烏梅山楂洛神花菜 $18除雲吞，從店名所見，茶亦喺店家主打嘅出品，幾款健康茶，就選擇咗由3種酸香材料煲成嘅烏梅山楂洛神花菜，入口無預期中咁酸，可以講喺微酸，感覺清涼（太凍就怕有啲人唔受得），以玻璃樽裝住，夠型格，之但喺，小弟嫌佢未夠酸活，再酸多少少，咁就更有個性。
雖然店鋪細細，但人手唔少，服務到位。晌用餐期間，聽到店員對話，啲雲吞都喺賣到咁上下時先即包，青瓜絲差唔多無喇，又再即刨，務求保持食材嘅新鮮度。有機會，下次再嚟試佢嘅雲吞，睇睇喺咪咁「正」先。
张贴
