番茄師兄

营业中

休息中

之前已經久仰大名，終於有得食好彩有fd早到拎飛， 我地唔駛等咁耐， 第五個fd到就入得見個menu, 樣樣嘢都想食。。。。。 我最後揀咗一貝子， 有d fd揀咗帶子牛郎， 再叫咗鮮炸腐皮墨魚蝦條同麻香瑞士汁雞中翼~一定要加炒滑蛋 好好食~ 個番茄湯我飲晒， 佢唔似其他番茄湯d鋪咁， 好紅。。。。 因為加咗茄膏... 但係呢間唔係茄膏味， 真係番茄湯， 好正！！！ 我碗一貝子都幾多蜆， 帶子又好食~ 好好味！！！ 個鮮炸腐皮墨魚蝦條好熱， 熱辣辣， 好香口，好好食~ 麻香瑞士汁雞翼就少辣， 麻多d~ 都好入味， 好好食我地仲飲咗檸檬雪梨露同桂圓紅棗桑寄生茶都好足料， 好飲~呢間嘢真係抵佢排長龍， 冇得輸

由開店以黎一直有留意關於蕃茄師兄嘅報導，知道佢嘅湯底係用大量鮮紅茄，加入牛骨同牛腩去煲，作為蕃茄控，我想食左好耐嫁喇 🍅1. 犇犇有禮招牌必食推介，好濃郁嘅蕃茄湯，配上唔同部份嘅騸牯牛腩，牛味重很黎唔會騷，有爽口嘅又有淋滑嘅，超正呀🐮2.一貝子呢個配烏冬係勁夾，有大大粒蜆同帶子， 味道鮮甜 🐚3.沙嗲豬腩肉上枱嗰下有少少失望，賣相睇落唔吸引，但食落又幾唔錯喎，豬腩肉好薄切，食落唔覺肥膩，爽口彈牙，沙嗲汁少少甜帶少少辣 🐷4. 麻香瑞士汁雞翼呢個不得了，雞翼大大隻好入味，嗰種麻辣令成件事昇華晒 😋除左食物，佢個檸檬雪梨露都好足料好好飲呀 🥤

久仰大名嘅蕃茄師兄 下午時段仍然長龍大約等左20分鐘左右 就有位啦😊我就食咗帶子牛郎($68) 加滑蛋都係$5姐蕃茄湯底幾濃味 但由於我要嘅係烏冬佢嘅麵質唔係我平時食開嘅一樣所以我覺得有少少奇怪😂而MY BOSS就叫左個犇犇有禮 ($78)有三款唔同嘅牛係個麵入邊 幾豐富架😋最後叫咗個麻香瑞士汁雞翼 正常味道👍🏻_______________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

又出動支持良心小店! 今次懲罰嘅係番茄師兄，佢好早期已經出聲出力，敢言有良心。叫左【一貝子】，顧名思義就係貝類 —— 花甲同帶子。茄湯好香濃，烏冬好索湯，入哂味又彈牙。美中不足係番茄略生，我比較鍾意熟番茄 🍅好彩有加$5滑蛋，好滑呀~ 🥺【豚豚圓圓】就有豬頸肉同豬腩肉。頸肉香，腩肉肥，我覺得$5菇菇偏硬，但男朋友鍾意食硬野就拍手叫好 👏🏻雞翼係我最愛，梗係要叫【麻香瑞士汁雞翼】試下佢。好食喎，好稱職嘅瑞士汁雞翼，皮肉都入味，美中不足係有少量雞毛。播住國歌食飯，真係食食下都想起立。小黃鴨一定會再幫襯，除左因為食物好食之外，亦都因為今時今日有良心又坐言起行嘅小店，sadly真係唔多。