番茄師兄

营业中

休息中

又出动支持良心小店! 今次惩罚嘅系番茄师兄，佢好早期已经出声出力，敢言有良心。叫左【一贝子】，顾名思义就系贝类 —— 花甲同带子。茄汤好香浓，乌冬好索汤，入哂味又弹牙。美中不足系番茄略生，我比较钟意熟番茄 🍅好彩有加$5滑蛋，好滑呀~ 🥺【豚豚圆圆】就有猪颈肉同猪腩肉。颈肉香，腩肉肥，我觉得$5菇菇偏硬，但男朋友钟意食硬野就拍手叫好 👏🏻鸡翼系我最爱，梗系要叫【麻香瑞士汁鸡翼】试下佢。好食㖞，好称职嘅瑞士汁鸡翼，皮肉都入味，美中不足系有少量鸡毛。播住国歌食饭，真系食食下都想起立。小黄鸭一定会再帮衬，除左因为食物好食之外，亦都因为今时今日有良心又坐言起行嘅小店，sadly真系唔多。