嚐仙

营业中

休息中

講起台灣甜品中，芋圓係無人唔鍾意嘅甜品之一，煙煙韌韌嘅口感，無論放入糖水熱食、還是黑糖冰，味道都係那麼合。當晚同朋友去尖沙咀食完燒肉，特別想食冰冰涼嘅甜品，經過見到呢間台式專賣店-嚐仙，有台式刨冰之餘，仲有芋圓，就冇諗都無諗就入左去。先點餐付款，再入店內食用。研究餐牌時，都被相片嗰金色甜品碗吸引，諗住可以打卡影靚相，當兩款甜品到時，見到係用外賣盒盛載，真係有點失望。芋泥牛奶冰 $43 (7/10)由芋泥、珍珠、紅豆配上牛奶冰，混合咗煉奶、鮮奶而製成嘅刨冰，同平時食開嘅用水製刨冰，後加煉奶係上面，特岀咗味道。至芋泥同牛奶冰嘅配搭簡直完美，芋泥口感實在，強烈嘅芋頭香，紅豆係有半紅豆半蓉，有少少食紅豆沙嘅感覺，珍珠煙韌帶有口感。黃金地瓜泥豆花 $45 (5.5/10)由地瓜泥、芋圓、珍珠、紅豆配豆腐花，豆腐花有豆腐香外，口感滑溜，芋圓煙韌非常有咬口，珍珠、紅豆配豆花幾夾，最期待嘅地瓜泥無想像中嘅好，口感比較鬆散，甜得有點假，蕃薯味少咗一點點，失色咗一點。小總結: 個人比較推薦芋泥牛奶冰，強烈又實在嘅芋泥，配上超甜的牛奶冰，味道配搭天衣無縫，不過，賣相同外賣盒真係令失望，牛奶冰同芋泥會預期嘅餐

五式牛奶冰 ($55)可以選擇五種 - 點左芋泥，仙草，紅豆，紅腰豆，花生，低層練奶，中間就係刨冰，其實唔使再加煉奶都夠甜夠味黃金地瓜泥豆花 ($45)地瓜泥，芋圓/地瓜圓，紅豆，珍珠，豆花 - 豆花略嫌唔夠滑招牌燒仙草 ($48) (暖）芋泥，芋圓/地瓜圓，紅豆，珍珠，仙草雙芋仙草奶凍($45)芋泥，芋圓/地瓜圓，紅豆，珍珠，仙草，中間係刨冰，不過唔係加煉奶，而係加cream大部份選擇味道同配料都係大同小異- 芋泥，地瓜泥都唔錯，會食到一粒粒地瓜同芋頭，冇加糖，唔會好甜，所以唔會搶咗仙草，芋圓嘅味道。仙草好滑，芋圓，地瓜圓都好煙韌，但係唔算特別突出，唔係唔好食，不過而家大部份甜品店嘅芋圓，地瓜圓都係日日新鮮手工制，分別唔算好明顯，可能要係配搭上多花心思

自從試業飲過佢既茶，都無乜機會夜晚食飽仲有空間食糖水聚會後時間尚早，就推介友人一齊黎試下依間芋圓芋泥就係上面個球，芋頭味夠重，口感唔算好細滑，仲帶有芋頭粒既口感芋圓口感QQ 煙韌，係我最鐘意既口感，可惜無味，咩色都係無味珍珠就普普通通，反而仙草有驚喜仙草味夠，而且超滑，一入口就好似識sir 入去甘，比台灣好多店都更好友人唔食紅豆，所以依款走紅豆架之後就試豆花，豆花未算好滑，豆味尚夠紅豆大粒又甜，但又唔似加糖水個隻死甜地瓜泥口感同芋泥都差唔多，但係變左蕃薯味，都好香濃店舖好多都係以芋泥，芋圓，紅豆，珍珠做鐵膽，跟住自己配番要紅豆湯，豆花，仙草等等，所以其實選擇唔算好多但整體唔算甜，真係食番食物味道，可惜芋圓無味係美中不足

今日同朋友去尖沙咀行街，途經見到呢間台式甜品店，因為朋友都幾中意食芋圓，我地就決定入去試下啦～除左甜品之外，仲提供手調飲品，選擇太多，好難揀呀🤤🤤 黃金地瓜泥豆花 ($45) 地瓜泥口感綿滑，地瓜味都幾濃，應該係用新鮮地瓜磨成嘅～ 配料方面仲有芋圓、珍珠、紅豆、豆花～ 芋圓和珍珠口感都幾煙韌，平時係出面食嘅芋圓嘅口感都偏粉，但呢個係偏爽口，唔錯～😛 呢個甜度唔會太高，幾岩我口味～雙芋仙草奶凍 ($45)呢個甜品有芋泥、芋圓、珍珠、紅豆、仙草凍～ 芋泥口感都幾幼滑，芋圓和珍珠都係煙韌得來又偏爽口～ 椰奶有香濃嘅椰香味，味道都幾甜下，建議唔好落太多，除非你本身中意食好甜😂😂 總結，我都幾中意佢嘅地瓜泥、珍珠、芋圓、椰奶，幾高質，可以一試！😊