Bulldog Hotdog (廣福道) (已搬遷) 新店位置

夏天熱辣辣唔知點解特別唔想食粉麵飯，呢個時候唔知點解就會喺腦海浮現熱狗同漢堡包呢個選擇，不過大埔就冇咩出名、特色又唔錯漢堡，反而有特色熱狗作為街坊緊係要支持下良心小店，於是同妹妹打電話叫外賣自取環境｜因為呢度只限外賣不設堂食，唔想熱住曬住等就記得打過去落單先，5-10分鍾後落街拎就差唔多啦我一落到去即有唔使等正﹗【黑啤肉醬】$44叫咗呢個【黑啤肉醬】口味嘅熱狗，材料用咗「特製豬肉醬、白車打、橙車打、寶伐朗、蜜糖芥末醬」，起初真係好怕好重啤酒味好苦之類，點之個味又幾討好一啲都唔奇怪仲幾好味﹗﹗估佢唔到﹗佢嘅肉醬唔會太咸或者死咸，反而豬肉味同黒啤溝埋個味道好豐富，淡淡嘅甘味再加香濃嘅肉醬﹗而且肉醬好多﹗肉碎又唔會韌，開胃又惹味﹗叫我再食多次都會，小編覺得有驚喜【香辣手撕雞 Spicy Mexican】 $44另外因為有時會盡量少食牛肉，所以另一個叫咗【香辣手撕雞Spicy Mexican】，用料包括新奧良雞絲、蕃茄、洋葱、青葱、炸蒜、香草白汁、特製辣汁，冇諗過賣相會咁吸引﹗而且一啲都唔HEA，又有雞絲又有勁多蔬菜配料，無論係口感、味道都有好多重嘅享受又有爽口嘅洋葱、酸酸甜甜嘅蕃茄埋醬汁，配

🇭🇰 < < Bulldog Hotdog > > 高質本地熱狗💰 [ ~$50 ］👯 [ 5-10mins ]📍 [ 大埔大埔安祥路2號李福林體育館地庫 ] [ 大埔廣福道60-62號地下C舖 ][ 上環皇后大道中378號福陞閣地下4A號舖 ]______________________________ 1️⃣[ 招牌熱狗🌭️ ］ʜᴋᴅ50✍🏻 熱狗非常大份 腸仔長過個包！麵包咬落鬆軟 有微微烘過腸仔外皮脆口 而且係有肉汁嫁😍配料仲有辣牛肉碎、墨西哥脆脆、芝士襯埋酸忌廉 非常惹味😚😚🌟推薦指數：8/102️⃣ [ 黑啤肉醬🌭️ ] ʜᴋᴅ44✍🏻 呢個係熱門no.1 睇名想像唔到味道但一食就明點解咁受歡迎😍因為肉醬落左黑啤烹製 啤酒無去除本身嘅澀味 食落有淡淡嘅麥香味仲同豬肉、芥末醬好夾🤪🌟推薦指數：8.5/103️⃣ [ 套餐小食—薯角🍟 ] ʜᴋᴅ18新鮮炸起 每一條都熱辣辣脆卜卜✨而且每條好大舊 食落都冇油膱味淨係加左一個小食都夠晒飽了🌝🌟推薦指數：7.5/10______________________________🥑整體嚟講🥚兩個熱狗都有手臂咁粗同長💪🏻

再嚟幫襯Bulldog Hotdog～今次試試另一隻味先😋黑啤肉醬好特別，係秘製豬肉醬嚟，食落有淡淡黑啤微甜嘅麥香，估唔到同蜜糖芥末醬又幾夾！另外仲加咗三隻芝士，味道好濃醬汁又多，淨係食個熱狗都好飽肚～今次嘅薯角就爭咁少少調味，自己係屋企加番啲黑胡椒同鹽或者點茄汁就啱晒～水牛雞翼唔好睇佢賣相有啲燶，食落真係好惹味仲辣得好過癮，好受歡迎成日賣晒添架！而家Bulldog Hotdog喺上環開咗分店，港島嘅朋友都可以食到啦💛

想食呢間外賣店好耐喇可惜夾唔岩時間隻隻熱狗🌭️好似手臂咁大但如果可以堂食熱辣辣會再好食好多但都大推呢間餐廳🌭香辣手撕雞一心想試呢個果然無失望滿滿既材料好香好辣🥴仲真係幾辣食唔到辣要三思哦嗜辣者一定要叫！因為真係好過癮香香辣辣配埋咬口既手撕雞😋🌭特濃芝士呢個小編就覺得一般般可能拎到番屋企已經凍左令到芝士無拉絲嘅效果而芝士味亦唔係好重但芝士份量又好多架喎🤨🤔🌭黑啤肉醬聞起上嚟係肉醬意粉嘅味道但食第一啖 係啤酒味 🍻呀食落苦苦甘甘 好香加埋肉碎 加埋醬又估唔到咁夾喎😃不過呢個要俾小小心理準備🤭🤭🤭因為拎到番屋企佢既顏色又黃黃地咁.....一堆堆好似......... 😂😂😂.一間熱狗店最重要係配料or腸呢？ 係兩樣都係主角呀!如果你都認同嘅就要試試佢喇😙

原來做家庭主婦就係咁架啦…日日起身諗吓lunch 食咩 😂 食完返黎睇陣書又到dinner 啦。今日就試吓大埔呢間熱狗店啦佢地有好多款熱狗，我都有少少花多眼亂，最後揀咗...美式風味 📍$38有墨西哥辣椒，黑水欖， 洋蔥，酸瓜，香草，茄汁，芥辣... 超多餡料 😁黑啤肉醬 📍$44豬肉醬汁好惹味，同蜜糖芥末好夾，仲有齊白＆橙嘅車打芝士呀熱狗梗係要趁佢熱辣辣嘅時候食啦，咁先最好食架嘛 👍🏻我地就搵定附近一啲快餐店坐低慢慢嘆 🤭

路過見到間新開熱狗店, 心血來潮去試下, 因為大埔都幾難搵到地方食到熱狗。Lunch hour 去食, 見唔算多人食, 好大可能只有外賣無堂食, 而家咁熱, 當然想搵個有冷氣嘅地方食。餐牌好簡單, 只有4款選擇, 可以淨係買個包或者買一個set, set會跟薯角同汽水。特濃芝士同黑啤肉醬好吸引, 最後我揀咗黑啤肉醬跟薯角同可樂 $62。俾完錢, 店員叫我5分鐘後返黎或者坐低等一陣。等咗陣, 我嘅食物終於準備好。熱狗同薯角係分開包裝, 方便影相同食, 我先放埋一齊。薯角厚身熱辣辣, 皮好脆, 咬落去軟棉棉。熱狗好足料, 熱狗腸皮脆, 份量都幾大下, 咬落去大大啖肉醬加芝士, 個肉醬有少少辣, 勁滿足。總結黎講, $62 食到足料熱狗, 好滿足!