1987 Kitchen (已搬遷) 新店位置

元朗一間唔大嘅西式小店，但即使閒日中午都滿座，仍然Keep住有人買外賣。雖然細細間小店，但都坐得舒適，閒日同朋友小聚傾計都唔錯。🔥美國黑安格斯西冷配薯條$98★★★★☆我地叫左午市套餐，原價係$138，我估因為疫情期間，抗爭價先平左咁多。我地叫左７成熟，但唔會過熟，切完入面都仲係紅紅地，食落正正常常，少少焦香味，偏向軟淋帶有少少筋，但整體黎講都唔錯。配菜亦配左D甘荀、開邊豆同薯條，正常，食物質素絕對對得住個價錢。另外每個午市套餐都可以選擇配是日餐湯或香檳汁沙律，因為叫左２個SET，所以各一。當日係南瓜甘荀湯，好香濃南瓜味道，又細滑，用黎點送嘅餐包一流。香檳汁PAMA HAM沙律就正常野。🔥黑松露大菇意大利飯 $78★★★☆☆意大利飯偏向大粒D，食落有保持咬口，但黑松露味唔夠出，略嫌個汁有D大稀身、唔夠濃郁，食落似普通白汁意大利飯，淡口D，冇咩太大驚喜。而個大菇係出乎意料之外好食，有焦香味，但仲係好JUICY。另外值得一提嘅係個飯D料好足，好多菇菌，食落係幾豐富。但真係個味差咁Ｄ。🌟總括：元朗黎講食西式野都唔錯，價錢親人，食物質素都唔錯，坐落都舒適，如果大家住附近都可以一試。

今日同朋友去食好西，去了元朗「1987 Kitchen 」食午餐。1987 Kitchen今次食紐西蘭殼飼肉眼扒同黑松露大菇意大利飯，肉眼扒起初叫五成熟，但overcook變咗七、八成熟，好彩本身肉質鮮嫰。另外個意大利飯，賣相看似平庸，但個大菇好味，黑松露味濃好啱食😋記得book枱，因為午市好多人幫襯，店長同店員都好忙。雖然佢哋好忙，但我之前book枱嘅時候，女店員好好人，問佢關於午餐餐牌嘅事，佢就會答我而家好忙，轉頭WhatsApp番啲資料俾我，隔咗一輪，佢真係WhatsApp返個餐牌俾我，好有交帶👍

疫情盡量留在家中食飯，此乃舊相🔥澳洲草飼西冷 ($98抗爭價)🔥黑松露大菇意大利飯 ($78)🔥法式焦糖燉蛋 ($62)🔥熱朱古力 (餐加$10)西冷：個紋超靚🤤打卡一流！而佢嘅肉質唔鞋唔硬，配埋個汗真係😍😍義大利飯：個size超大🙈不論個菇定飯嘅size都好巨型😋不過略嫌個菇唔夠juicy，稍為有啲乾身，同埋啲飯食耐咗有啲dry，其他都好好。燉蛋：落咗order後佢會因應你食嘢嘅情況再問你上得燉蛋未，佢大約整5mins。焦糖唔苦，蛋好滑，可以一試🙈但注意佢都幾大件！