DALLOYAU (已結業)

買一送一啊 明明晚餐食到好飽，點知見到SogoThankful Week， 所以Dalloyauhk都做緊買一送一，即時䟔過去食，女人真係呢...... 今次有得揀黑松露朱古力/榛子/紐紋（$50/2枝） Black Truffle Chocolate Soft Serve 草根揀左黑松露朱古力，覺得比佢一般嘅松露味好食朱古力總係冇死嘅，質感如一貫較稀身重冰感，脆筒超薄好處係好消暑，而且自己食晒成杯都冇負擔，不過草根都係中意Godiva 嘅厚實質感多d，不過而家做買一送一係抵食嘅溫馨提示：要快食，唔係雪糕溶左會整穿個筒，流到一手都係（有人同我地一樣嗎？）

新鮮滾熱辣優惠，你唔係唔食下話？買一送一喎！我一收工朋友就call我落去食啦，真正係「未食正餐，先食甜品」、飯都未食就食雪糕。當日既優惠有三隻味可以簡架：黑松露朱古力雪糕、榛子雪糕同埋兩溝，我就食左黑松露朱古力味。擠完出來我覺得份量有d細，有少少失望。之後食落口，一大陣松露味撲鼻而來。只可以話對松露味反感既人食呢個雪糕一定好難受，因為陣味真係好勁、勁衝到直衝我腦袋。其實食左一半都仲只係食到松露，食唔到朱古力味。而雪糕就唔係好creamy,質地有d 「希」…直至後半段、松露味終於無咁重，但朱古力味依然唔太出。如果prefer light d甜品既朋友仔可以試下。